[thorpe]

المشاركة الأصلية كتبت بواسطة هناء البال

حتى انا شبع قلبي و ملقيتش الجواب امر غريييييب صح
بصح و الله ساعات يجيوني لعباد اغبياء مع كل احتراماتي لهم
حتى الحشمة اللي كانت في الطفلة و الطفل راحت عادو بكل مجمعين و يدومونديو اغاني عجيبة كيما قلت
نعطيك مثال /اليوم الصباح كان عندي حصة تدريب في 20 aout باه نعقب غدوا ال krino اهه مالا جات فايتا taxi الله الله ماركا فيها راجل كبير مع الزوجة باينا(مرة تجي قدو) و معاه طفلة و طفل فب l'ariére اكيد عايلة و حاطين غناية ماكالاه نسميها حاشاك تع.....................قعدنا بكل نشوفو حايرين
يا ولدي راحت الاخلاق و راحت القيم
انا حبيت نعطيك جانب اخر من الحياة و مثلتلك بهدي الحكاية اما عن ظواهر الاعراس فكثيرة كون نبدا نحكي منسكتش مالا ماكالاه
و الله موضوع مليح صح شكرا لك

اهلا وسهلا بالاخت هناء البال
هاه يا سيدي راني جيت نرد ديراكت بلا ما تستناي بزاف ههه
اليوم عندك الزهر
واش تحبي اختي والله الضواهر بزاف صح واحنا كل مرة نحكو على وحدة على الاقل يستفاد منها ولو شخص هنا نالو معاه الاجر
والي حيرني يا اختي منين جاتنا هاذي المصيبة فهي غير موجودة عند الاجناس الاخرى والمصيبة انو كون نكونوا احنا هوما الي خترعناها هنا نلومو رواحنا 2 مرات ماشي غير مرة
بخصوص الكرينو ياك ديتيه ؟ والله انا ماديتوش من العام الماضي ايا بلوكيتو وبالاك السمانة هاذي نجوزو

ربي يوفقني ويفقك ههه