وعليكم السلام
اخواني واخوتي
ياخوي كلامك الانجليزي على العين و الراس بصح راك تحكي على الماضي اللي فات عليه بزااااااااااااااف وقت المراة تطيب الكسرة و تنسج واللبسة تاع درك متعلقش عليها لانولكل وقت له اذان بكري مكانش الجامعات بزاف والعلم وسامحني منقدروش نولو حتى للجاهلية باش يقولو علينا مسلمين
المرا ة مصانة في القران اكثر من مرة وعلاه الانسان ميعرفش قيمتها راكم تقراو ومتثقفين
المراة في زمن الرسول كانت مصانة وحتى نساء النبي صلى الله عليه و سلم لم يفلتن من كلام الناس
لذا لا ترمو المحصنات
راه الكلام اللي نهدر عليه يشمل المتبرجة وحتى المتحجبة
المراة هنا كي تقرا يقولو وعلاه قرات راهي هاربة من الدار
كي تخدم يقولو حابة تفرض رايها على الرجال
كي تخرج يقولو معندهاش اللي يحكم فيها
وكي تسافر مهما كان السبب يجرحوها وما يحافظوش عليها
المراة امانة مهما دارت ووصلت راهي ضعيفة اي كلمة تجرحها ممكن تدمرها
راها الالسنة الجلفاوية يا لطيف
ماهي نتاع مستوى حاشا الاقلية
ماهي نتاع تربية
المراة هنا ماتلقاش الاحترام كيما البلدان الاخرى
العين و اللسان ياكلو المراة والراجل اللي يهدر فيها عازب او متزوج وحتى الشيوخ يتعداو
لوكان يقدرو المراة هنا كيما البلدان الاخرى منيش نقصد الاوربية لالا شوفو غير الجيران
مثلا عنابة او سطيف اللي يقول كلمة على مرة ولو يشوفها بعين مش مليحة ياكلوه الرجال
وين راهي الرجلة كي تشوف ولية الناس تنهش فيها كل واحد فيكم عندو ولايا في الدار كي تكون واقف مع صاحبك برة تهدرو في وحدة غلطتها انها فقط مرت عليكم برك ونسيتو بللي كل واحد فيكم عندو اختو تقرا في الجامعة مثلا الله اعلم بيها و الا تخدم وحتى تكون تصرف على خوها ..........
هذا الكلا م معرض للمحي ارجو من الرقابة ان تخاف من ربي مني نقطع في حتى واحد وماهوش بوليتيك