[hajer.joujou]

المشاركة الأصلية كتبت بواسطة Mohamed Anés

السلام عليكم يا اخواني و الصلاة و السلام على رسول الله
أرجو من كل ممتحن للبكلوريا أن يحدثنان عن تجربةه التي مر بها و ما هي الأخطاء التي قام بها و الأعمال الاجابية التي عمل به.
سؤال:لو عاد بك الزمن الى الوراء ما الدي كنت ستفعله في العطلة الصيفية و في الفصول الثلاثة للسنة النهائئة.
أرجو من اخواني أن لا يبخلو علينا بتجربتهم حتى و لو بنصيحة واحدة و سوف تأجرون على دلك ان شاء الله و أدعو لكم بالنجاح و أسأل الله أن يعطيكم المعدل الدي تتمنوه ويا اخواني تدكروا يوم الآخرة و الحشر و الحساب و يوم تعرض أعمالكم أمام الله فان امتحان البكلوريا لا يساوي شيأ أمام امتحان الآخرة لدا فكلما تدكرة يوم القيامة زال منك الخوف و القلق
و أرجو لكل من قرأ الموضوع أن يدعو للممتحني البكالوريا بالنجاح

و عليكم السلام و رحمة الله و بركاته
اولا ***يا اخي عدي العطلة تاعك مليح و ما تخممش فالباك من دركة و ما تتقلقش نهائيا فامتحان البكالوريا امتحان عادي جدا
ثانيا***ما تسهرش بزاف الا فالاخر كيقرب الباك زير شوية و اصبر لانك قادر تسهر بزاف و انت ماعلابالكش واش قاعد تقرى فالنقطة المهمة انك تركز على الشي اللي قاعد تقراه مليح مليح و تفهمو كيماتفهمهاش ما تفوتش و تقول خلي مبعد راح نفهمها لازم تفهمها باي طريقة قبل فوات الاوان
ثالثا***ما تسمعش للناس و حاول انك كيتقعد مع الجماعة ما تحكيش غير عل الباك سلي روحك شوية باي حاجة
رابعا***واحد ما يخلعك بالباك رمي كلام الناس ورا ظهرك و اعمل الشي اللي يقنعك و يساعدك و نصيحة تنظم وقتك تعمل برنامج ينظملك وقتك و ما تخليش المواد الادبية حتى للاخر لازم تقراها من الاول تاع العام خاصة مواد الحفظ على الاقل كل ويكاند تحفظ شوية
خامسا**** الدراسة الجماعية مفيدة جدا خاصة في مكتبة المدرسة لكن نصيحتي تجنب الدراسة الجماعية فالاخر تاع العام قرا وحدك لانو فالاخر يا ربي كل واحد يفرز روحو و يفك راسو و زيد راح تتخلط
اخيرا *****ربي يوفقك و يفتح عليك و ينجحك و توكل عليه برك راح تنجح كيما حاب