اقتباس:
المشاركة الأصلية كتبت بواسطة طالبة حي الرويسات
السلام عليكم
والله شهادة الباكالوريا ليست بالأمر اليسير والهين
فهي تحتاج إلى دراسة مكثفة في الصيف
أنا لحد الآن لم أبدأ بالمراجعة
لكن أبتداءا من نصف جوان سأبدأ إن شاء الله
|
السلام عليكم
لفت انتباهي ردك فقررت ان اجيبك
صراحة ماتعتقدينه كله خطأ
صدقوني الباك حاجة تافهة جدا والناس اللي تفشل فيه لأنهم يعطوه أكثر من قيمتو ويبداو يخممو في الباك من الصيف
لكن الحقيقة عكس ذلك
نصيحة لوجه الله من مجرب القراية في الصيف راكم تضرو انفسكم كثر ماتستفادو واذا بديت تقرا نورمال معا بداية العام الدراسي راح يكفيك الوقت باش تقرا وتتفوق ان شاء الله لذلك لا داعي للتوسويس الفارغ ....
وكي اليوم تعقبو الباك وتندمو وتقولو اااه كون علابالي الباك كيما هاك راني ماصراليش كاملهاذ المنكر
+++++ وحدة تقرا معايا مستواها ممتاز بدات تقرا من الصيف ومام في العام الدراسي كانت تقتل روحها تسهر الليل وتنوض بكري وهذا خطأ
كي وصل الفصل 3 ولات تنسى وكي عقبنا باك ابيض ديما دوخ في القسم وماتكملش تجاوب ونفس الشيء صرالها في الباك
معا اللخر ودرت روحها وماخدمتش مليح
بالمختصر المفيد ماتخمموش بزاف في الباك لأنه ساهل و نتحدى اي واحد يقول العكس
لأنو كاين بزاف ناس يبالهم السوجي تاع الباك رايحين يجيبولهم حوايج ماقراوهمش ولا مانعرف؟؟؟؟؟؟ ++++ الباك اسهل بكثير من الامتحانات اللي ديروها في المدرسة
ارتاحو الصيف وكي يبدا العام الدراسي اتكلوا على الله واقراو راهو كلش ساهل .......... واللي مصر باش يقرا في الصيف نقولو اقرا شوي لغات 15 و لا 20 يوم وحبس اما باقي المواد لاتدرسوها الان لأنكم راح تضيعو وقتكم وتغلبوا وتكلفو نفسكم مالا طاقة لها
ملاحظة
ماتتبعوش بزاف الاخرين
بزاف تلاميذ يديرو مخطط تاع قراية زعما وينعتو لصحابو ومبعد نتا تشوفو تخلع تقول الناس وجدت روحها وانا مازال ولا في العام الدراسي واحد يقولك انا كملت ريفيزيت الرياضيات ومبعد نتا تروح تحتم لروحك الرياضيات تجيبها سمانتين ونتا تقرا غير فيها ؟؟؟؟؟؟؟ اقرا واش يساعدك وفي الوقت اللي يساعدك ماعندك ماراحلك في الناس لأنو كي تظهر النتائج تلقى هذو اللي كانو يديرو الحسابات كااامل معدلاتهم متواضعة )
قد تتعجبون لكلامي لكن قسما بالله هذه هي الحقيقة وهناك المزيد............................................ .....
وبالتوفيق ان شاء الله
وادعو لي ندي الباك بمعدل كبير ان شاء الله