اقتباس:
المشاركة الأصلية كتبت بواسطة نسمة النجاح
السلام عليك وحرمة الله تعالى وبركاته
اختي الغالية اسماء
والله نحيي فيك هاذ الجرأة
فتحتي موضوع جد جد جد حساس ومنتشر بكثرة في زمننا هذا
أولا:
نتحدث عن مرحلة المراهقة
هي مرحلة معروفة بمثل هذا الشعور وهاذ الإضطرابات حب وكره وتتبع للشهوات وما الى ذلك
كل هذا بسبب الهرمونات
ومستحيل ما يمر منا انسان بهاذ الشي
لكن تختلف الطريقة
وهنا يتدخل العقل والتربية
ومدى حب الله تعالى والصبر
انا بالنسبة ليا نعتبر هاذ الحب ابتلاء
اذا كتمناه في قلبنا وادعينا ربنا راح نفوزوا بهذاك الإمتحان
اما اذا كسرنا كل الحواجز وتعدينا الخطوط الحمراء نكونوا خسرنا هنا
ثانيا
نهدروا على هاذ الحب
والله الحب شعور سام
شعور رائع
وضروري
لكن الحب
هو فقط شعور
وليس ممارسة
يعني يقعد في القلب وما يتعداهش
الحب يبنى على اسس
نحبوا الشخص اللي نشوفو انو يمتلك صفات فارس الأحلام
والفتاة العاقلة
تحب الشخص المدين
المثقف القاري
الرزين
اما الفتاة اللي ناقصها عقل تمشي مورا الجمال ومورا شهواتها
نتحدثوا عن الحب بصفة عامة
الحب ماهوش ابدا محرم
اقصد هنا الحب كشعور
لكن كي يتعدى هذاك الحب القلب
يوصلنا الى ماهو اصعب واخطر
وهذا للاسف ما انتشر في عصرنا هذا
قوليلي يا طفلة واش معناتو كي تحبي واحد وتهدري معاه في التلفون ولا توقفي قدامو وتعبريلو على الحب
؟؟؟
واش معناتها هذا
انا بالنسبة ليا بهاذ الشيء راكي تهيني في نفسو
ربي خلقك عفيفة مصونة
ونتي راكي توسخي في صورتك قدام الناس
وهاذ الشخص عندبالك صح راهو راح يديك ويتزوج بيك
لا والله
هو راهو يختبر فيك
ويقول اذا هاذ الطفلة راهي تدير معايا مثل هاذ الشي يعني نفسها تسمحلها
وقادرة تديرو مع شخص آخر
خوذي حذرك ختيتو
وديجا الحب تاع الصح ماهوش ممارسات ورسائل ومسجات ومكالمات وخرجات
الحب راهو في القلب
والحب اللي في القلب حاجة ما تمحيه
ماعلاباليش اذا قدرت نوصللك الفكرة
لكن هذا واش ملا عليا راسي
اعتذر عن تكلمي بالدارجة لأني اردت ايصال الفكرة لا غير |
صح واش قلتي اختى نسمة النجاح و راكي وصلتي الفكرة قد قد و عندك الحق في كل كلمة قلتيها
