شكرا لكي اختي الغالية على موضوعك الرائع
والله عندك الحق في وقتنا هدا متلاقيش طفلة ماهيش مصاحبة كامل تلاقيهم مصاحبات الا من رحم ربك
اختي انا نحمد ربي ونقول الحمد الله كثيرا ماطحتش في هاد الفخ وجامي درت صاحب وندعي ربي باش يوفقني ويهديني باش نكمل في هاد الطريق ومانخرجش منها
وانا ندعي كل البنات انهم يتخلاو على هاد العلاقات ممكن كل وحدة تقول خليني نعيش حياتي ولا نعيش سن المراهقة كما نبغي مي نقولها راكي غالطة بزاااف لانك اذا طحتي في هاد الشرك راح تتاذاي بزاااف وهاد العلاقات تجيبلك غير المشاكل مالا هني راسك وصفي قلبك وكوني قوية الايمان بالله فهو المستعان
فالله اذا ابتلى شخصا فانما يحبه ربي سبحانو راه مع كل عبادو ماينساكمش مكتوبك راه مكتوب وماتتصوريش واش راه مخبيلك
اصبري وقوي قلبك وخلي هاد العلاقات تكوني ناجحة وكسبتي محبة الله وحتى نظرة الناس في الواقع راح تتبدل اتجاهك
راح يشوفوك طفلة عفيفة طاهرة لا اقل ولا اكثر
كرامتك وشرفك اختي افضل من كل شئ فكوني قوية الايمان بالله واستعيني به
لاحول ولا قوة الا بالله العلي العظيم اللهم انا نسالك الهدى والتقا والصبر
اللهم اهدنا الى الصراط المستقيم
موفقين
واشكرك اختي صاحبة الموضوع مرة اخرى على موضوعك الرائع بارك الله فيكي
تقبلي مروري