كي تهدري مع واحد دوكا علاخاطر تحبيه وشنو هي الحاجة اللي تستفادي منها؟؟
وشنوهي الحاجة اللي نستفاد منها ادا حبيت ولا حبوني و لا نتزوج وترجع حياتي ميلحة؟؟؟؟
معليش عندك ضمان؟؟؟
أول حاجة تقولي رايحة نحب و يحبوني؟؟راني معاك هاد الحاجة تصرا
نتزوج و نفرح؟؟لا لا ماشكيتش........
شوفي كل حاجة فيها زوج احتمالات
نروحو للاحتمال الاول :صح تقدري تتزوجي بالصح تيماجيني ربي يديرك بنت عمرها ماصاحبت ولد
ولا قالت لطفل نحبك،أكيد لا
عمبالك ربي ينسى أنك اغضبتيه في يوم من الأيام
يعني أغضبتي رب العباد من أجل انسان ضعيف،علاخاطر خوفتي انو ممكن ينساك
رضيتي الانسان اللي تحبيه في مقابل أغضبتي ربك اللي يحبك
ربي يقول على نفسو *وماكان ربك نسيا*
دوك نحكيلك حكاية و هاد الحكاية حقيقة
كان طفل و طفلة يحبوا بعضاهم بزاف،من نهار كانو صغار وهما كيف كيف
و مبعد اتزوجو و في يوم عرسهم الناس كامل ماكانتش مأمنة الفرحة اللي في عينيهم
بالصح كيما قال ربك *و ماكان ربك نسيا*
الحب هاداك رجع كره للأسف من دون أي مقدمات
و النتيجة الطفلة تركت بيتها بعد 4 شهور و اطلقت
تخيلي بعد 4 شهور يعني عروسة؟؟؟
و هاداك الحب كامل و ين راح؟؟
ماشي لوكان اختارت رضا ربي على رضا اللي تحبو خير
لوكان ربي رضاها
شوفي هادي حكاية وحدوخرا
حكاية طفلة صانت نفسها و اختارت رضا ربي على رضا اللي تحبو
تقول الطفلة هاديا أنها شافت مرة طفل حست بلي كاين احساس حلو من ناحيتو
ياترى ماذا فعلت؟
هدرت معاه،قاتلو نحبك؟؟؟واش دارت؟؟
هي تقول: "عرفت بللي مالازمش نعيش في حب محرم
ادا كان نصيبي ربي يجيبوهلي بلا مانزعفو
ايمالا ماحبيتش نخمم فيه كامل و دعيت ربي يقدرلي الخير و جازت اليامات و بعد كتر من 4 سنين
جاء واحد خطبني،ياترى شكون؟؟
هو نفسو هاداك الانسان، و تاني كانت فيه مميزات كتر من لي كنت متخيلتها"
.........
شفتو كيفاش كي تقدمي رضا ربي على رضا الناس ربي يرضى عليك و يرضي الناس تانيك
و كل حاجة مكتوبة علينا قبل مانتولدو و قبل خلق السماوات و الأرض
يعني ماكش منها واحد يتزوج غير زوج ديالو
حاب يقول ادا حبيتي واحد و راكي حابة تتزوجيه و ربي ماراهوش مكتبهولك ماراكيش رايحة تديه
دوك تتساءلي و تقولي
رب علاش راهو يعامل فيا هكدا؟يعني أنا حابة حاجة علاه ربي مايجيبهاليش.علاه ربي ماشي خزاينو واسعة؟؟
الحب ماشي حاجة مليحة و احساسها شباب؟
....
طبعا احساسها مليح و ماشي شرط الحاجة اللي تكون غلط و حرام تكون ماشي مليحة
كامل نفوسنا مادابيها تحب و يحبوها طفل ولا طفلة
و مادابيها تعيش حياة شابة
دوك تقولي : ايمالا علاه غلط و حرام هو ماشي ربي جميل و يحب الجمال؟؟
و ربي تانيك يحبنا، دونك علاه الحاجة اللي نحبوها وعرة هكدا؟؟
طبعا هادي هي نفسنا مادابيها تنطلق في الحاجة اللي تحبها
طيب ماشي ممكن هاد الأمر خير ليكوانك لو كان تدي هاداك الانسان يكون شر ليك
و ماشي غير في هاد الموضوع حوايج بزاف نلقاو بلي اختبار ربي هو الأصح
و نحمدوه أنو ماجبناش هاديك الحاجة
اذن الحل وين راه؟؟
أول حاجة خلي هاداك المدخل تاع الشيطان اللي يقولك: لوكان تبطلي الصحوبية رايح ينساك أو واعرة بلبزاف عليك
لازم ينتهي فورا
علاخاطر رايحة تصعب عليك نفسك ادا ملقيتيش نهاية صح لعلاقتكم
وعلاقتك مع ربي رايحة تتأثر و قلبك يرجع ملك لوحدوخر
والمفروضأنو قلبك لربك حبيب قلبك
ماكاش منها طفلة تهدر مع طفل و علاقتها مع ربالعزة تحسنت؟؟
الطبيعي أن أي احتكاك بين بنت و ولد يؤدي الى ارتباط عاطفي شكلا و معنويا
و ماتقوليش لوكان نخليه ينساني
ادا دار هاد الشي مايستاهلكش
لأنو لو كان محترم فعلا كي يفكر شوية يعرف بلي نتيا بنت محترمة و راكي حابة ترضي ربي
لازم توقفي أي علاقة تربطك بيه
مازل قدامك الوقت والفرصة بيدك
صح هي صعيبة شوية
بالصح ديري في بالك هادا هو طريق الصح وهكدا راكي تنقذي في قلبك و حياتك
استعيني بالله و كوني قوية و استمري على الصح و أي وسواس يقولك صعيب عليك
رايح ينساك بالاكي اطيحي في الفخ
و قولي لا حول ولا قوةالا بالله
هكدا ربي يقويك
لازم أي بنت تصاحب ولد تدعي لربي علاخاطر هو اللي عمبالو الخيروين راه
وادا كان نصيبك حاجة ماتوقفو
و حتى ادا كنت علا علاقة معاه و تزوجتو ماراكيش رايحة تكوني سعيدة *مابني على باطل فهو باطل*
يتسمى في كلا الحالات خاسرة في لافار
بالصح من ترك شيئا عوضه الله خيرا منه
يعني كي تخليه ادا كان خير ليك ربي يجيبهولك و تزيدي تغلاي في عينيه و رايح يحافظ عليك كتر وادا لا لا ربي يجيبلك خير منو
يعني في الحالة تانية نتي رابحة