انا نقلك اول حاجه تنفعك هي قراية الدار وعودي روحك على حل التمارينات خصوصا في المواد العلمية والله تفيدك .وننصحك بالكتاب المدرسي راهم في الباك مايخرجوش عليه .ماتهمليش المواد الادبيه راها هي الي تساعدك باه تجيبي معدل ممتاز.الدروس الخصوصيه تكون عندها فائده ادا كملتيها بقراية الدار لازم الي تقرايها في الدروس الخصوصيه ترجعي مباشرة تعاوديها في الدار ومعاها تمارينات والله صدقيني ماتطيرش من راسك.ماتقرايش بزاف في الصيف انا نقلك اقراي العلوم ابداي بيها في الصيف وننصحك مرجع احمد الامين ابداي فيه في الصيف راهو ينفعك بزاف .واهم حاجه ايضا الفرنسية والانجليزية اقرايهم مليح.
ورب يوفقك ان شاء الله واقراي مليح و اخدمي على معدل ممتاز من عامك الاول وتهناي اتعبي عام خير من عامين .ماتغلطيش غلطتي انا العام الي فات جبتو ب13 غير من المواد العلمية ماركزتش بزاف على المواد الادبيه والله ندمت لوكان غير قريتهم شويا لوكان طلع معدل نتاعي ولكن ماعليهش وهادا العام راني احرار و نستنى في نتيجه مليحه ادعيلي معاك.