[بيلسان الجنة]

المشاركة الأصلية كتبت بواسطة رهف فتاة

حنونتي مبادرة رائعة منك وربي يوفقك ويكملك ان شاء الله
القاعدة اللي تعلمتها هي انو الحفظ لا يثبت من غير تكرار يعني احيانا تفوت 3 اشهر كاملة وانت تحفظ و كي تجي تراجع تحس روحك ولا شي شوفي حنونتي حفظي نتي زماقدرتي يعني كل واحد وقدوراتو وكي تحفظي حاويلي تصلي بهادوك اللي حفظتيهم ةمثلا راكي تمشي في الالطريق راكي تراجعي في قلبك راكي تنضفي ولا كاش حاجة تاني راكي تكري واش حفظتي واللي تحفظيها سمعيها
ايضا لازمي دعاء اللهم ذكرني من القرآن ما نسيت
ملاحظة في القران بالذات مانقولوش نسيت بقتح التاء بل نقول نسيت بضم التاء وكسر السين
ربي يساعدك ختي على اتمام كتابه موفقة
للمعلومة اختي راهم كاينين دورات تدريبية في حفظ القران الكريم يعتمدون 99" على اسلوب التنمية البشرية دورات فعالة وفي القمة

بارك الله فيك على هده الاضافة مي بغيت نبهك لوحد لحاجة مش كل خطرة كي طولي على المراجعة راكي تنساي كيما قلتي لخاطر انا كنت حافظة وبمجرد ما جات الباكلوريا تخليت على الحفيظ والمراجعة اكتر من 4اشهر وكي رجعت لقيت روحي قابضة مليح مالي الشرط الاساسي نتاع عدم النسيان والحفظ الطويل الي روح للداكرة العميقة هو الحفظ السليم من المرةا لاولى يتليقلك كي تحفظي لمرة الاولى ماتفوتيش وتقولي كي نجي راجع راني نحكمها اما اسلوب التنمية البشرية فهو اسلوب ناجح للغاية يعتمد على قوة الداكرة وشكرا والمعذرة على الاطالة