أخي انت درت نفس الشيئ كيما وحدة ....الموضوع الثاني كان باين ومفهوم ماشي كيما الاول.
الثاني يتكلم على المبدا الذي تتاسس عليه العدالة ...هل المساواة ام التفاوت وهوما طلبوا منا ندافعوا عن مبدا المساواة
الآن الإشتراكية جزء ممن يرون بالمساواة والرأسمالية العكس ولكن الموضوع ماشي كيما عملت الاخت ولا ادري كيف انت عملت بالضبط ...هي يعني ركزت على الإشتراكية والرأسمالية وهذا خطا ...لانهم لم يقصدوا النظامين في الموضوع.
ونصيحة اخي دعك الآن من السؤال والحيرة هذا واش عملت انا في الاول انا الطريقة كل واحد واش غنّا عليا ....درت واش عرفت وربي يستر ويلطف وخلاص انا طحطمت يوم الفلسفة خاصة اني قريت الفلسفة وفهمتها ولكن الدرس الاول كان غامض وزيد قالولي واكدولي انهم ماكاش مقالات عليهم في الباك ..صدمت وربي ...خاصة اني كنت طامعة في الجدلية وقريت والله قريت وتعبت ... ولكن حسبهم الله الجزاير حاجة ماتمشي فيها كيما لازم ..عيب والله طريقة ماقدروش يتافقوا عليها وفي الاخير حنا الي نخلصوا ..والله حاولت نشغل روحي هاذ الايام باش ننسا ..وعاودت تفكرت الىن ..نقهرت حسبهم الله حسبهم الله حسبهم الله.
لكن اخي ..الله عزوجل قدر لنا هكدا ....وهو سبحانه عليم حكيم ولواحد مايدخلش في لعب الشيطان
وكل واش رايح يقول الاعضاء لن يفيد لانه الصح في التصحيح وكيفيته
الآن بقالك امر تعملوا ...عندك الثلث الاخير من الليل وعندك الدعاء بين الآذان والإقامة وفي السجود وبعد التشهد الاخير في الصلاة وقبل السلام كل هذا مواطن يستجاب فيها الدعاء ...فاكثر من الدعاء ..وإن شاء الله تكون تصلي وإذاماكنتش ابدا صلاتك واسجد وتضرع لربك.
وبالتوفيق وربي يفرحنا كلنا