اقتباس:
المشاركة الأصلية كتبت بواسطة fatima09
قوليلي أختي الشكولا كي تذوبيها واش تضيفيلها
|
ضفتلها شوي حليب ومغرف زبدة وعينك ميزانك حسب الثقل نتاعها لانها اذا جات سايحة بزاف مرحاش تغطيلك الحلوى اذن خليها شوي ثقيلة
اقتباس:
المشاركة الأصلية كتبت بواسطة bachira2
الله يعطيكم الصحة
|
الله يسلمك
اقتباس:
المشاركة الأصلية كتبت بواسطة yakout01
ما شاء الله حلويات رائعة
انا حبيت لوكان تعطيني وصفةالتشاراك بالتفصيل الممل
|
مافيها والو اختي رانا هنا باش ندو معلومات من عند بعضانا
واليك الوصفة :3 كيلات فرينة+ كيلة سمن ومرغارين صول + مغرفة كبيرة سكر رطب+ م ص فاني وتعجني بالحليب لازم ما تدكيش والعجينة تجيك شوي طرية
الحشو :3 كيلات لوز +كيلة سكر حرش + زست قارص + مغرف ك فاني وتشمخي بماء الزهر حاولي تخدميه كيما الطعام
حلي العجينة بالحلال بسمك 1 ملم وقطعي دوائر كبيرة قطرها 9 او 10 سم ضعي الحشو ورولي على شكل سيقار ثم شكلي هلال
بعدما يطيب ويبرد تكوني وجدتي الشاربات وهي كيلة ماء + كيلة سكر + نصف حبة قارص يغلي على نار خفيفة مدة 10 د انا استعملت كاس
غطسي لحبة في الشاربات ثم مباشرة ال السكر كي تكملي كل الحبات غربلي على كامل الحبات سكر رطب ارجو ان اكون قد وفقت في الشرح
اقتباس:
المشاركة الأصلية كتبت بواسطة bessaden
ما شاء الله حلويات رائعة و شكرا على الوصفات
|
لا شكر على واجب
اقتباس:
المشاركة الأصلية كتبت بواسطة kokotg
|
الله يسلمك