يا جماعة الخير باش نكونو متفاهمين لخاطر لوكان تبقاو هكذا نولي مانفرقش بينكم وبين الحلاقين وسائقي سيارات الأجرة الذين يتقنون الكلام فقط.
أنا راني حاب نفهم كيفاه داير العقل لي يصدق خبر ( لا نستطيع إطلاق كلمة خبر عليه) كيما هذا.
يا أخت صاحبة الخبر فهميني كيفاه قدرتي تكتبي هاذا الموضوع وكيفاه كاين لي عطاك حق وصدقك . بالاك راكي ما حضرتيش في ساحة الادماج، بن بوزيد كان قادر ثم في الساحة يقلنا ماكاش إدماج ولي حب يحرق روحو الله يسهل يسلمنا على جهنم في طريقو، كيما قالها لي ماعندهمش مناصب كي داروا اعتصام ورانا.
وزير التربية يقول بلي كاين إدماج والعملية تأخرت بسبب الامتحانات ( أساسي وبكالوريا) ونتي تقولي ماكاش إدماج يتسمى نتي أعلم وأعلى أكتاف منو؟؟؟ ولا واش معناها؟؟؟
والناس لي يصدقوك أعرفي بلي غير باش ينحوا عليك ذيك الغمة.
ونزيد نقلك معلومة نتي ماعلابالكش بيها.
لي راهم ينشطوا دوكا في المنتدى هوما الناس لي يعرفوا يهدروا ويديروا البلبلة ، لخاطر لي باتوا 10 أيام في الشارع وخلاوا الحياة وما أحلاها في العطلة ما يردوش عليك وما يجاوبوكش ، وأكثرهم راهم يقراو في المواضيع وماهمش يرجعوا ويعلقوا نظرا لسخافتها وأنا رديت عليك لأنني قدرت نتحكم في أعصابي كي قريت الموضوع التافه هذا، ونزيد نقولهالك كيما قلتها في الماضي لي عندو حق يديه يا لوكان يوقف بوتفليقة بيناتهم.
والسلام