اختي اصبري متنسايش انك ام
دعي الله دايمن في صلاتك اساعدك وهو قادر ان يغير له طباعه
نحي الطلاق من تفكيرك من اجل ابنائك صدقيني انتي زوجك من البداية هو المتحكم في الاسرة والمسير يعني بعيد الشر لوكان تتفارقوا اولادك تضيعوا انتي متقدريش عليهم لانهم متعودين على ان ابوهم هو من يقرر ولا يحترم ارائك امامهم
الله يعطيك الصبر واعوضك مع الوقت صدقيني راح يتبدل ويطلب منك السماح العشرة تجي مع السنين راح يكتشف انه غلط في حقك
صح عمرك غاضتك ازعفي واغضبي في دارك متروحيش لدار والديك ومتقوليش لوالديك يمكن المشكل يكبر
متستسلميش مراحش الحال تقدري تبدليه واكبر سلاح عندك الدعاء
صدقيني كاين بنت صحبتي بابهاهكا ويقولها اكثر من زوجك اقلها كلام جارح لكنها صابرة لانه والدها متقدرش تبدل بابها قدرها
حتى انتي فكري هكا انه زوجك قدرك كيما باباك وخوك متقدريش تفارقيه ولا تبدليه لان عندكم اولاد من حقهم اعيشوا وسطكم
تفكري الحوايج الملاح الي فيه وفوتيهالوا متنسايش بالي فيه تاني حوايج تحبيهم بلاك هذا طبع عندوا
الله ابارك لكم ويطيب بينكم بشوية صبر ان شاء الله الامور تتحسن
حاولت نمدلك راي انا لست متزوجة ولست مخطوبة يعني مجربتش وجود رجل في حياتي لهذا كلامي نابع عن راي وليس واقع لكن بطبيعة المراة تضحي من اجل ابنائها اعتقد انك ستصبرين والله لن يخيبك ان شاء الله يغير زوجك طباعه
اتمنى لكي السعادة