2011-05-30, 16:24
|
رقم المشاركة : 8
|
 معلومات
العضو |
|
|
|
إحصائية
العضو |
|
|
|
اقتباس:
المشاركة الأصلية كتبت بواسطة kacem84
من يعرف البرزقان فليتقدم بشرح بسيط لفائدة إخواننا مشكورا
|
يا أختي أنا من تيارت و حنا مشهور عندنا البرزقان مام حنا نديروه بزاف يجي في الفطور أو كيما يقولو تعشوية مع القهوة و كاين نوع منو يجي مع اللبن و يجي في الفطور و كل واحد و كيفاه يصنعو احنا مرات نصنعوه بالمبسس ادا تسمعو بيه يجي بالسميد و الزيت وشوية ملح و شوية سكر و الماء و منبعد كي يطيب تكوني نقيتي التمر من العلف ايا تخلطيهم م تزيديلهم شوية حمار و الدهان دايب باه تلميهم و من بعد ياكلوه هو من الاحسن تقدميه شوي سخون هدا نوع منو و يتسما عندنا الرفيس لأنو مخدوم بالتمر تنجمي تخدميه ايضا بالخبز المطلوع و نفس الطريقة. يجي مع الشاي أيضا
أما النوع اللي نسموه برزقان هو مصنوع بالخبز المطلوع او المسمن الطايب في الطاجين حنا نقولولو ** المدلوك** ايا كي يطيبو بالنسبة ليهم في زوج كيف كيف تفتيهم و تخليه و من جيهة و حدوخرا ديري التمر بلا علف ممروس أي مخلط مليح و شوي البصلة طيبيها في الماء مي مشي بزاف و تضيفيلهم الهرماس يتباع قاع في الحوانيت تمرسيه كيما التمر و ادا ماكاش تعصري الليم و منبعد تخلطيهم مع الخبز و يتقدم في الفطور مايجيش مع القهوة نسيت تزيديلو الدهان دايب
احنا نصنعوه بزاف
أرجو أن أكون أفدتكم و أي استفسار راني هنا
|
|
|
|