اخواتي هدي واحد الكيكة ساهلة و على قد الحال, جربتها وجات زوينة , وباردة , و تصلاح للصيف للي على الابواب ان شاء الله المقدير د يال الكيك.. 2 بيضات + كاس صغير زيت + كاس ص سنيدة +كاس ص حليب + 2 خميرات الحلوة + 1 فاني + قشرة ليمونة محكوكة + 2 و نصف كاس دقيق فورص.. الطريقة كاملة.. نخلط الكل في الخلاط وفي الاخير نزيدو الدقيق مع الخميرة, نصبها في مول مدهون وتطهى.. نسقيوها بكاس عصير الليمون مطبوخ مع شوية سنيدة.. نوجدو كريم باتيسيير : 2 معالق كبار غبرة الكريم باتيسيير+2 معالق كبار سنيدة+ نصف لتر حليب نخلطوهم ونطبخوهم على عافية مهيلة حتى يعقادو ... ونخويوهم مباشرة على الكيكة.. ندخلها للثلاجة حتى تبرد.. ونزوقوها بالفاكهة للي حبينا نوجدو الفلان بعصير البرتقال بدل الحليب باش اجي شفاف ويبان الديسير اللي زوقنا بيه...انا درت فلان الفريز وجا اللون وردي( الا درتي فلان الفاني غاتجي الطبقة الفلان برتقالة اللون)..نوجدوه ونخويوه على الطبقة د الكريم بشي معيلقة.. الا بغيتي خليها هكاك ولا زوقيه من فوق... انا رشيت عليها شوية اللوز مطحون