السلام عليكم
أنا بديت نخدم في إطار عقود الإدماج يوم 04/02/2009 و خلصت يوم 04/02/2011 يعني خدمت عامين و مع هاد القوانين الجديدة عندي حق في العام الثالث روحت وين كنت نخدم سنيالي المدير الكونترا بش نزيد العام الثالث و رديتها لوكالة التشغيل يوم 03/05/2011 بش إزيد إسنيهالي مدير التشغيل و إلى يومنا هذا مازال ماتسنياتش و كي رحت اليوم بش نستفسر على العقد قاتلي و حدة تخدم في مديرية التشغيل لازم تجيبيلي شهادة الإنتماء إلى الضمان الإجتماعي و كي روحت la casorec دارولي شهادة الإنتماء و كي ديتها la direction de l'emploi قاتلي بلي ماكيش منتمية إلى الضمان الإجتماعي منذ 31/03/2009 يعني دارولي l'assurence شهر بارك و حبسوهالي و هدوك الشهورة اللي خدمتهم j étais pas assuré و ما نيش غير أنا كانو ثاني اللي سراتلهم كيما أنا donc حكيتلكم هاد لحكاية بش نتوما ثان روحو استفسروا على رواحكم و ردولي بلخبر و بالتوفيق