[نسائم الهدى]

المشاركة الأصلية كتبت بواسطة gali

شوفي اختي

نظن المرأة هي اللي تحط من روحها، كيفاه تقبل بشيخ في 80؟؟؟؟؟؟؟؟؟

سؤال منطقي كيفاش تتزوج وحدة بشيخ في 80 ؟؟؟؟؟
صح عندك الحق تتساءل لأنك ما وصلتش لدرجة من اليأس تخليك تقبل ترتبط بمومياء عمرها 6000 سنة
ما وصلتش لمرحلة من عدم التحمل للوحد والفراغ العاطفي القاتل واخترت بين الإنتحار الحرام(قتل نفسك)أو الإنتحار الحلال(رمي نفسك لأي كان).
ما تعرفش واش معنتها تعيش 17 سنة بريزونيي بدون ذنب ارتكبته فقط لأن والدك يخاف عليك من كل شيء ولراحتك يوفرولك تلفزيون+نوميريك+دي في دي+موبايل+شهرية+كمبيوتر+كل كماليات الحياة التي ليست ضرورية للحياة وكأنك كناري في قفص وكي تشتكي يقوللك راك عايش,واش يخصك؟راك خير من نتاجك.
أنا دائما نقوللهم خصوني 8 سنين ويرجع حكمي مؤبد لأنوا بعد 25 سنة حبس لا يوجد عقوبة سوى المؤبد أو ربما الإعدام.
على هاديك ما تحكموش عليها كيفاش قبلت ربما كانت في وضع اختارت فيه الإنتحار الحلال الإرادي ورمت بنفسها لشيخ وقتدية بالمثل اللي يقول واش رماك على المر قال اللي أمر منوا بل احكموا عليه واش من الوضع أو السبب اللي يخليه يستغل طيش أو حاجة أو قلة خبرة فتاة في مثل سن حفيداته؟؟؟
المشكل كل المشكل في الرجال ماشي في النساء لأنهم هوما اللي رجعوا البنات يمشوا في طريق غلط
كي وصلنا لوقت وين البنات اللي يخرجوا ويحوسوا ويمشوا مع 20 ويباتوا برا ويخونوا والديهم ودينهم ويحافظوا على شرفهم المتعارف عليه المادي لأنوا شرفهم المعنوي يكون قد انتهك مئات المرات في الأخير يتزوجوا ويأسسوا عائلة في حين الطفلة اللي تبقى في البيت وتحافظ على شرفها المعنوي قبل المادي تبقى في دار باباها,إذا هنا راكم تقولوا للبنت
إذا حبيتي توصلي للصح عليك بالسير في الطريق الغلط
ومن فضلكم ما تقولوش عليا حاقدة أو معقدة لأني صدقوا أولا تصدقوا راني عايشة في الجزائر حتى ولو داخل قفصي راني في الجزائر وراني نشوف كيفاش راكم عايشين يا الجزايرين.
حفظكم الله ورعاكم ورزقكم على حسب نيتكم
والسلاااااااااااااااااااااااااااااااام عليكم