اخواتى اليوم جبتلكم معجون هايل حبتين تشينة و حبة قارصاغسليهم مليح حطيهم فى الكونجيلاتور يومين ثم اجبديهم من الصباح و كى يطراو ارحيهم فى الروبو بالقشرة حطى كوبين سكر و كوبين ماء و عود قرفة بعد ما يغلو و يبدى يعقد حطى عليه الخليط و خليه يطيب حتى تشوفى الخليط بدا يعقد اكثر من المرة الاولى نحى القرفة و تكونى مغلية بولارة وصبيه فيها اذا طيبتى كمية كبيرة لازم تغلو البولارة مملية بالمعجون اما اذا كان الاستهلاك خلال عشرة ايام ماتغليهاش حطيه فى الثلاجة بالهنا و الشفا