[روضة من رياض الجنة]

المشاركة الأصلية كتبت بواسطة noor hassenl

رووووووووعة يعطيك الصحة

هذا من ذوقكي اختي بارك الله فيكي تشرفت بحضوركي

المشاركة الأصلية كتبت بواسطة mimicha1977

ماشاء الله

يعطيك الصحه

الله يسلمك اختي بارك الله فيكي نورتي الموضوع

المشاركة الأصلية كتبت بواسطة الصوامعية

يعطيك الصحة شاطرة بسلامتك
اذا ممكن اختي تعطيني الوصفة نتاع حلوة النوقة و هذيك الحلوة على شكل مثلث تبان شابة .

الله يسلمك حنونتي بارك الله فيكي

تفضلي وصفة النوقا
العجينة 500غ فرينة + 3 بيض+ قرصة ملح+لفاني و لميها بماء زهر و عجينها
انا استعمل عجينة البحلاوة او التشاراك كي تبقالي منرميهاش و نستعملها في بلاصتها
تحلي العجينة بالة العجين في الرقم 1 و من بعد 3 و من بعد 6 وو تعاودي تمريها في جهة الرشتة ديري شوية فرينة فيها
من بعد اقلي هذيك الشوربا في زيت سخون حاولي تنفضي الفرينة في غربال قبل ما تقليها متنسيش تنشفيها من الزيت

حطيها في زلافة كبيرة و كسريها
زيدلها 500غ كوكاو محمر مطحون + 100غ جلجلان محمص + حلوة الترك كيما تحبي و تلميها بالعسل سخون اذا حبيتي تزيدي اي نوع من المكسرات زيدي
و حطي العجينة في بلاتو و لبسي كيس بلاستيك في يدك باش متلسقلكش و سوي سطحا و لا حطي بلاستيك فوقها و سوي السطح بالحلال
رشي عليها كوكاو او بيستاش و انا درت خطوط بالشوكولا
لازم تخليها ليلة كاملة قبل ما تقطعيها حتى تشد روحها
من بعد تقطعيها كيما تحبي قطعتها مربعات



الحلوة لي جاية مثلث مثلثات بالنواتكوكو و الشكولا
العجينة
450غ فرينة
200غ مرغرين ذايبة
100غ سكر
1 خمارة
لفاني
4 صفار بيض خلطي الكل
و حطيها في مول 30 سم 20سم و سويها بيدك في المول لانها راح تجي شوية ناشفة

250غ شكولذوبيها في باماغي مع شوية حليب و مغرف صغيرة مرغرين او زيت
و فرغيها فوق العجينة و خليها حتى تجمد

ضربي 4 بياض بيض مع 100غ سكر و لفاني حتى تولي مورانغ زيدي 180 غ نواتكوكو مديرهاش كاملة انتي شوفي مرات البيض يكون ضغير تجيك ناشفة زيدي بشوية و شوفي كي تشوفيها نشفت حبسي فرغي الخليط فوق الشوكولا الباردة

و دخليها الفرن مسخن 190درجة حتى لي تحمار شوية
غير تخرجيها قطعي مثلثات خطرش اذ بردتت تتكسرلك

تقدر ترشي من وق كاكاو مخلط مع سكر رطب اذا حبيتي

المشاركة الأصلية كتبت بواسطة عواطف24

تسلم ايدك ..حلويات رائعة ..
وشكرا على الوصفات ...

الله يسلمك اختي بارك الله فيكي شكرا على حضوركي الجميل

المشاركة الأصلية كتبت بواسطة omo mazen

يعطيك الصحة تسلم ايدك ..حلويات رائعة

الله يسلمك اختي مشكورة و بارك الله فيكي