بسم الله الرحمن الرحيم
السلام عليكم
يا بن عمي يا مصعب نتاع الدزاير راهم أمْقَلْطينك اهل الجلفة من بكري ناس نتاع عافية فهمو زين حديث النبي صلى الله عليه وسلم
اللي ايقول في معناه
راه ايجي وقت ايولي خيار الناس اللي ايتبع في شويهات هامل بيهم في الجبل ويعبد ربي ويقيم في صلاته
ما نيش عارف إذا ايسامحوني الخاوة نتاع المنتدى على رواية الحديث بالمعنى واذا كان هذا ما ايزوجش عندهم نحذفوهم ونبدلوه
فلا يؤم الرجل في سلطانه
وكيما قتلك اهل الجلفة فهمو هذا الحديث زين في زين وعارفين معناه
عايشين كافين خيرهم شرهم
البلا الكبير جانا من فوق من عندكم من جيهة البحر راك واقيلة نسيت عام البليدة والصومعة ولا ما قريتهاش في الجرنال واقيلة كنت صغير ما تشفاش
انا تاني كنت صغير بصح نشفالها
البلا قديم جان من ثم
وكيما راك تشوف احنا نحكو على مصيبة نتاع الارجاء جاء واحد داخل طول في لوتوروت من البليدة ديراكت ، هملنا وراح ملا الصفحة ضيقها علينا بروابط ما نيش عارف وين توصل تدي طول للسعودية
ونقلك حاجة اصحاب الجلفة ناس طيبين والحمد لله على فضلو راك كون تعرفهم تبدل رايك فيهم
المهم ربي يحفظك وايبارك فيك
ويغفرلنا ويغفرلك
والسلام عليكم