بسم الله الرحمن الرحيم
ربي يحفظك يا بنتي
الموضوع زين ياسر ومهم في هذا الوقت بالذات
بصح كون وخرتيه شوي للصيف ضرك راه الشتا
عندي تعليق
على تأخير الزواج واسبابو راه المشكل ما هوش كيما في السعودية وكيما قال الشيخ بن عثيمين ربي يرحمه ، هم في السعودية عندهم مشكل التاخير القراية وحوايج ياسر كيما هاك وعندهم مشكل كبير ياسر ربي يحفظنا ما نقدرش نقلك عليه في المنتدى راني نعرفهم زين وخالطتهم مليح
مشكل نتاع ناس مترفهين ما همش حاطين فوق لارض طول
حنا عدنا مشكل الدراهم
الناس زوالية وقلاو علينا المعيشة
انا مرة كنت ناوي نخطب من تلمسان
ياو والله طيحولي ركايبي
قالو لولي راه يسقاملك كل شيئ بسبعين مليون
قلتلهم راني كون نحط روحي في السوق ما نجيبش سبعين مليون ياو توالم نزيدهم لعزوج رشحة وما نجيبهاش
بطلت ورجعت لدويرتنا ومن بعد لقيت روحي هامك
حتى هنا راه وصل حتان 20 مليون
ما نحكيلكش للمصاريف لخرى
ياو والله شفناهم سلفيات وكي تقدمنا ليهم
دارت الشقفة
الهربة تسلك
انا نقول لو تزيدي موضوع اخر على هذا الغلاء الفاحش في المهور تكوني كملت خيرك وربي ياجرك علينا
واستشهدي بفتاوى علماء بلادنا شوية
كاين فتاوى الشيخ حماني راها مليحة من الجيهة الشرعية ما تخافيش منها
ربي يحفظكم كيما راكم
واللي ما هوش مزوج ربي ايزوجو في القريبة العاجلة
راني حبيت نقول شعر اسمحيلي واقبليه من عمك
ميمونة تعرف ربي
وربي يعرف ميمونة
تسكن في الكاف الغربي
كاف الناس المقبونة
المقبونة معناها الناس البسطاء اللي على قد حالهم
احباب ربي كيما نقولو