[مصريه جدا]

المقاله كبيره اوى اوى ياايمن بس شايفه فيها اقلال من شان البعض واعلاء البعض الاخر

يعنى ازاى مفيش مواقف مشرفه لعمرو موسى كلنا عارفين موسى من لما كان وزير خارجيه ومواقفه الصارمه هناك
وازاى كان للمصرى فى الخارج احترام لايمكن التنازل عنه

صحيح قل دوره لما نقل للجامعه العربيه لكن كمان كلنا كمصريين عارفين سبب نقله هوا تقليص دوره خصوصا بعض مؤتمر اوسلو لما اتهمته وزيرة خارجيه اميركا بانه عقبه فى عملية السلام فى الشق الاوسط ككل


ثم حمدين صباحى مناضل على راسنا لكن قدم ايه لاهله فى بورسعيد عشان يقدم لمصر كلها حاليا


وبعدين احنا ان شاء الله هنختار المرشح وفقا للبرنامج الانتخابى
والى الان محدش فيهم اتكلم فى النقطه دى

لكن شخصيا فى الاسماء دى يبقى عمرو موسى

لكن لسه فى مرشحين تانيين هيتم الاعلان عنهم قريبا

قالوا ان منهم دكتور العوا


وبخصوص ان ممكن احد المرشحين يجعل مصر علمانيه عشان ينتقم من الاخوان

دا كلام غلط اساسا لان الراى الاول والاخير للشعب المصرى

والى حصل قبل كدا فى 25 يناير هيخلى اى واحد يحكم مصر يفكر كويس قبل مايخون شعبه


يعنى احترس ايها الرئيس القادم ال85 مليون مصرى معاهم تليفونات بعض
اى خطا هتلاقى الى 85 مليون مصرى على راسك


بس كل الى نقدر نقوله دلواتى ان ربنا يرزقنا ريئس صالح يقدر يعدى مصر الى بر الامان


لان مصر امانه
وربنا يحمى مصر من كل سوء يارب