حللتي اهلا ونزلتي سهلا.......
[img]كلمه سهلَّى انكمَّل مبداها
سلسلة الآشراف يسعد من جاها
وأهل الدين اصلاتهم في وقتاها
بيت الضيف امفرشه يا مبهاها
وفراشات اموزقه فرَّشناها
زربيه وفراش ووساد امعاها
يتعشَّى ويبات قصره محلاها
في برَّاده ضاويه قدَّمناها
ولاتاي اللي حب ورقه جبناها
البيت الحمرا ما اتعاير من جاها
وعنها يسال ضيف ربي ويــن راهــــــا
دينـــــو يخلص كم مره درناهــــــــــــا
والحقرا محــــال نـرضى لبلاهـــــــــــا
في قدحيه من شكوتو فرَّ قناها
وأمسقِّي بدهان لضيافا جاها
والحوته وسط لقصاع أندرناها
وتقصيرا ايفاجي أعلى النفس اصداها
نعت اقصور أملوك ربي علاَّها
بتوابل للضيف بنه محلاها
اللي ماشاف ايشوف ذا اللي قلناها
عادت جدو ليه بكري خلاَّها
أرض اجدودك ليك ربي سخَّاها
أتهلَّى فيها كون ليها ملاها
ومنها رزقك خالقك ليك أعطاها
أيريَّح قلب اللي تعب كي يراها
لارض بالأعشاب ربي غطاها
منظر عنُّو صوره امليحه مبهاها
ذا البدويه قال سعدا للي أخضاها
والماهر صيَّاد فرَّق وخطاها
ورده وسط أجــــنان ربِّي سجــــــــــاها
