[*أم كوثر*]

اختي الكريمة الوصفة التونسية هي كالاتي جربيها و ادعيلي من نهار جربتها ما عدت نطيب غير بيها
تجيبي الملوخية و تضيفيلها الزيت عادي و تمرقيها و تخليها تطيب حتى تطلق الزيت وحدها
من جهة اخرى قلي اللحم او الذجاج او الدوارة مع البصل و التوم و الملح و الفلفل اسود و التابل و كروية و معكر جيدا ومن بعد ضيفي طماطم مصبرة وشوية هريسة
و قلي مليح حتى يدبل الخليط امرقيها و خلي تطيب
تكون لاصوص ناشفة شوية يعني تقريبا تغطي قطع اللحم
كي يطيب اللحم اضيفي سنة توم مهرسة مع ورقة رند و توابل كم لي حطيتيهم و ضيفيهم للخليط
اخيرا صبي فوق لاصوص الملوخية لي زيتت وحدها و خلي 5 د على النار تغلي و كولي بالصحة و الهناء