قالك في وحد الفترة انقطعت القهوة نهائيا على وحد القرية وفي يوم من الايام والناس كانو يصلو جا واحد يعيط في الشارع ياناس راها جات القهوة ياناس راها رجعت القهوة ملا المصلين كامل قطعو الصلاة وخرجو يشرو في القهوة إلا الإمام كمل الصلاه بيه إيمانو قوي لكن بعد التشهد اللي من المفروض يسلم صد بوجهو لليمين والشمال وقال حب ولا مرحية ""على القهوة"" ****** ***** *** * واحد شرا تريكو نتاع لحم لقا نصو شحمة **** ** * مجموعة من الناس كانو راكبين في حافلة ومنبعد عرضولهم إرهاب في الطريق طلعوو للحافلة وبداو يسألو كل واحد فيهم واش يخدم ومن بعد يذبحوه أيا وصلو لواحد سقساوه قالولو واش تخدم قالهم معلم قالهم رئيس العصابة أيا نحولو 100000 وخلوه يتخبط ***** **** *** قالك واحد أوفيسي أمر 2 جوندارم قالهم تديرو باراج وتحاسبوني غدوة بزوج ملاين بروصيات داك النهار داروه كامل على لبروصيات بقاتلهم مئة وخمسين ملقاوش منين يدبروهالو لخاطر لحق الليل وسيارة مافاتت عليهم تحيروا بزاف وحتى هوما مكانش عندهم من بعد شوية جا فايت واحد مولا موطار يمشي غير بالشوية ومطبق القوانين كما ينبغي ملقاوش على واه يديرولو بروصي حبسوه وقاللو انت متخافش تمشي وحدك في نص الليل وحدك قالهم : وعلاه نخاف ربي والنبي معايا قالولو: اه صار راهم زوج معاك في موطار أيا خرج 200000 **** ** * قالك واحد بشع في لونو وأسود ورقيق بزاااااف. اللي يروح يخطبها متحبش تقبل بيه ملا وحد الخطرا قرر ينتحر كي لاح روحو من لبحر جاه القرش من بعيد باسو وحطو على شاطء البحر وقال ذاك القرش آربي نعمة ربي محروقة ***** **** ** * واحد قال لصاحبو راني حاس قلبي يفيبري بزاف قالو صاحبو ماتخاف ماوالو راها الموت تبيبيلك **** *** * قالك واحد بخيل بزااااااف جا داخل للدار قابلو ابنو الصغير : أبي أبي أبي أبي... قالو ابوه : أبي وحدا ياسر وعلاه هذو كامل ؟؟؟