[مصريه جدا]

المشاركة الأصلية كتبت بواسطة بنت من مصر

بتعجبنى حنيتك دى يا ساره والله

طيب سيبى حكايته واسمعى حكاية أسرتى يمكن تأثر فيكى شوية

أعمامى الأكبر والأصغر ، مفيش عندهم مشكلة غير إنهم سنية ، لا اخوان ولا تكفير ولا أى نشاط ارهابى

بفضل قانون الطوارئ طبعا


اعتقلو أربع سنوات لما كنت أنا فى مرحلة ثانوى وبداية الجامعه

يعنى لا قضية ولا دعوه ولا تعرفى هما أصلا فى أى سجن

كنا بنعرف بالمصادفات السعيدة هما فين ، ونتنطط وراهم فى سجون الجمهورية فى كل المحافظات

وكانو هما أقل الناس بلاء على فكرة

سمعنا على ناس دخلو السجن وهما شباب 18 سنه وفضلو قاعدين للعشرينات والثلاثينات ،

وأقسم لك بالله العظيم إنى شوفت بعينى شاب هناك جايبين له بنت خالته ومعاها الشبكة علشان تلبسها فى السجن

لو تشوفى الأيام اللى احنا شوفناها فى سجن طره ، اللى زمانه بقى عشر نجوم حاليا ، كنتى حبيتى مبارك كمان وكمان

ذل ومهانة ، وننتظر من الفجر لغاية العصر فى الصحرا وعز الحر ، وممكن نرجع ومعانا جدتى اللى عمرها قارب ال 80 من غير ما نشوفهم ولا نسمع أخبار عنهم

ده غير اللى بيحكوه لما يطلعو ، من إهانة وتعذيب ، يمكن أعمامى كانو أخف الناس بلاء زى ما قلت لك

تخيلى ، قبل الثورة اتجوزت واحده من صاحباتى ، وأبوها فى السجن برضو ومن غير تهمة

البنت عمرها حوالى 21 ، منهم أكتر من 15 سنه أبوها مسجون

وفى الاخر أمها هى اللى تعولهم بفقر شديد ولغاية ما جوزت البنت الوحيده وباقى أولادها الصبيان قاعدين

انتى معلوماتك صغيرة يا ساره علشان كده لسه بتحبيه كشخص

لو شوفتى واحد على الألف من اللى بحكيلك عنه كنتى غيرتى رأيك خالص

دلوقتى المعلومات والفضايح تتنشر ونشوف هتفضلو تحبو مبارك كشخص ولا فكرتكم دى هتتغير

فاكره ياثومه الموضوع الى انا كتبته ليكى قبل كدا فى العياده النفسيه اكيد فكراه
لو كنتى قرتيه كويس كنتى اكيد هتعرفى ساره كويس
يعنى انا قلتلك مشكلتى هناك اكيد فكراه يادكتورتى النفسيه

انا مش هتعالج عندك تانى انا هعمل اضراب
ههههههههههههههههههههه
بهزر طبعا
يبنتى انتى عارفه كويس انى عارفه كل الكلام ده
عرفاه عرفاه عرفاه
بس المشكله انا كدا
فاكره هناك انا قلتلك ايه فى الموضوع

وعلى فكره محدش يقول انى مولوده فى بقى معلقه دهب والكلام ده
احسن انا سمعته كثير
بالرغم والله ولا حتى معلقه فضه
بس مقدرشى اكره حد
انا كدا مش بقدر اكره حد
هقلك حاجه مهمه
قريب فى المحله عندنا كان المحافظ موجود عشان كانوا هينفذوا حكم اعدام فى 3 شباب والشرطه العسكريه موجوده
والبلد ممقلوبه وطبعا لما عرفت الى الشباب دول عملوه
قلت لازم تيعدموا وبعد كدا يتولع فيهم
بس عارفه لما ابويه قالى عالى تشوفى زى الناس يعنى رفضت وهوا كمان لما فكر رفض

لانى لو كنت شفتهم كنت هزعل عليهم اوى بالرغم انى اول واحده دينتهم
انا محبش اشوف دموع حد
امال كنت هتعلجينى ازاى

المفروض كنتى تتابعى علاجى من اول المشكله الى انا كتبهالك
مشعارفه اتغير ويمكن ده سبب كل المشاكل الى انا فيها
وعلى فكره
احنا كمان عيله تحت الميكرسكوب
لاننا ........................................
ههههههههههههههه

عموما ربنا يرحمنا جميعا ويهدينا
بس انا هشوف دكتوره غيرك