سأقول لكم سر يبقى بيناتنا ولا عدوها محاجيا
بكري الراجل كان يتزوج بربعة و خطرات يفوت وماكنش حب قليل وين تسمعي بزوج تحابوا و كون يسمعوا بيهم ولا بهذه الكلمة تزاقات عليهم وياويلهم من حكم السلطان .
صح هذه الاولى
الثانية علابالكم علاه كان يتزوج باكثر من وحدة .؟
يعني كان كل واحد في ارضوا و يبني لابغات 10 سكنات مغطيين بالديس يعني كوخ و الخير كاين و الارض كاينا و الزراعة كاينا ما يسمعو يزيت ما يسمعو بالاومو ولا سوس تومات والو ما يسمعو حتى بحاجة من هذو الصوالح اللي راهم كاينين ضروك .
الحاجة الثالثة :
علابالكم علاه بكري يقولو النسا كانو قلائل و ضروك راهم يقول الراجل بعشرة نساء علابلكم علاه ؟ ؟ ؟ ؟ ؟ !!!!
كان الراجل يتزوج بزوج بثلاثة بربعة كيما يحب و خطرات بعدل و خطرات لا لا لا
و المرا كي تزوج ما تخرجتش ، حتى البنات لا يخرجن تجدينهم في بيوتهن و في الحقيقة هم كثر لانهن كانوا لا يخرجن
كانت المرا ايلا صابوها تخدم هذيك هي الكارثة و هذاك هو العار المرا تخدم في بيتها و بس و تربي أولادها .
و من بعد فاقت الناس و انزاحو الى المدن و بدأت تزدحم يوم بعد يوم حتى وللا الواحد كي يخرج للشارع يشوف 100 إمرأة في وسطهم اربعة او خمس رجال و تصيبيهم خطرات عي ذراري برك ماهمش كبار لانه الكبار راهم مع الخبزة مساكين يتلاواو معاها .
علابالكم علاه ؟؟؟؟؟؟ هههههههههه
لان المرا قرات و قرات و فرضت نفسها و دات بلاصت الراجل ههههههههههه وراح فيها المخلوق مسكين .
حتى انها اصبحت اليوم تطالب بالسلطة !!!!!!!!!!!!!!!!!!!!!!!!!!!!!!
بين قوسين ليس على العام و انما على الخاص و لم تاخذ مكانه باتم معنى الكلمة إنما في حوالي سنة 2015 تتحقق مقوقلة بابا في البستان و ماما في السوق و اثناء رجوع ماما تجد الفطور جاهز كنا نحن تلاميذ نرددها ولا نعرف معناها هذا وين رانا نعرفوا فيها !!!!!!!!!!
معليش ...
علابالكم الراجل اليوم علاه ما يقدرش يتزوج بأكثر من اثنين ماناش نهدروا على المريشين خليونا عي حنا في حنا .
لانه الله غالب اليوم ولا فيها النريسيتي و الغاز و الكرية نتاع السكنة حتى ويلا كنت شريتها بدراهمك بصح راهي تجي كرية و حنا ماناش فايقينلها و الفاتورة نتاع القدورات حاشاكم و الفاتورة نتاع التليفون و الفاتورة و الكرية و الدخول المدرسي و الكسوة و الماكلا و الخضرة و كي تروح للدار تصيب 16 الف مليار حاجة تقارعلك القرعة نتاع الغاز الذراري مرضوا اديهم للصبيطار روح اشري الدوا
و مسكين تصيبيه يصور في الشهر مليون و نص برك !!!!!!!!!! . واه برك ماكمش مصدقيني سقسوا قلنا خلونا عي حنا في حنا مانش الفوق و خلو الهدرة بيناتنا .!!!!!!!!
خبروني ضروك هذا الراجل يخمم على واش قلت الفوق ولا يخمم في الزواج ؟؟؟؟؟؟
مليون و نص ضروك ماتدير والو البطاطا راهي بــ 70 دج
بكري كان الواحد عندو من 9 حتى لـ10 اولاد وكان كافيهم و لاباس و اليوم تصيبيه عندوا ثلاث اولاد تصيبيه دايخ معاهم و نصو كريدي و ديونات و ما يصفاش من الدين اللي فيه حتى يلقى الله .
المهم الهدرا مزالت و المحاجيا ما تسلكش راني كي نصيب موضوع كيما هذا نهدر و نبرد قلبي فيه
و النقد لازم لازم يكون حتى في هدرتي لازم يكون فيها نقد كاين اللي يشوفها عكس ماذابيه يفرغ و يهدر .