[محمد سوق]

المشاركة الأصلية كتبت بواسطة imane1

أولا مبارك عليكم وربي يتمم بيناتكم على خير ان شاء الله

أما نصائحي :

لازم فترة الخطوبة ما اطولش بزاف ( عام كأقصى تقدير )

لازم يكون بيناتكم القدر ( الاحترام ) فهذا هو أساس نجاح أي علاقة بين اثنين

والمراة كي تلقى الراجل يحترمها ويقدرها ودايرلها قيمة تولي تسمع كلامو في كلش

ويكبر في عينيها بزاف

ومرة على مرة تكون مفاجئة بحاجة بسيطة على مقدورك (تهادوا تحابوا)

وتاني كي تلقاك تشاركها مشاكلها ومشاريعها واهتماماتها

والعيب اللي موجود في الرجال كامل واللي يتضايقو منو النسا كامل

هو انهم ما يعرفوش يسمعو،كي تشكي المراة من حاجة هوما تبانلهم تافهة بزاف

هي مسكينة (من كثرة اللي حساسه)تشوفها حاجة كبيرة وهو (tellement عملي ) يشوفها ماكاش قع

ويولي يقوللها هاااذي تزعفك ؟ كبري دماغك ..

وهي تولي شاعلة فيها النار وتولي تقول ما يفهمنيش وما يقدرش مشاعري ..

واش يخسر الراجل لوكان يسمع للمراة كي تكون تهدر على حاجة ضايقتها ؟

يسمع برك ماشي شرط يمد حل .. المهم يسمع ( يُنصت )


والآن نسألك انت بصفتك رجل

مالذي تريد أن تجده في خطيبتك حتى تعظم في نظرك ؟

شكرا على تدخلك............الأمر الذي اريده في خطيبتي هو أن تبقى تحبني كما في السابق.........