[عاشقة السكـون]

السلام عليكم
اقسم بالله غير ماتفهم فيها والو كل واحد وشطارته وكتافه
انا من الاول التوقيت ديالي من 7.45 الى 12.15 ومن 12.45 الى 17.15 هادي كانت العام اللي فات كنت دخلت جديدة اما هاد العام غيروا توقيت الدراسة وقالي المراقب العام لازم تخرجي بعد التلاميد ماكانش رحمة ربي والوا لكني تفاهمت مع المديرة تخليني نخرج على 11 "في اخد ورد بسيف تقولي المؤسسة نتاع باباهم"
في حين بنات يعملوا في متوسطة قالولي احنا من الاول اشترطنا على المدير نخدموا نص نهار لانه ماراناش نخلصوا كيما المرسمين ووافق.
ومنذ اسبوعين تقريبا جاو بنات يخدموا في العقد ديالهم مكتوب لا تتجاوز مدة العمل 5 ساعات بصح تابعين اللاداس واخرى من لانام لكنها اشترطت لانها تحضر ماجستير ان تعمل نص نهار وبالاتفاق مع المديرة تعمل برك الثلاثاء _ الاربعاء - الخميس من 8 الى 11 ومن 13 الى 4 او 3.30 فقط لان عندها معريفة من الاكاديمية
دوك ارواح انت وافهم وافهمني
المهم حاول مع مدير المتوسطة وفهموا ضروفك بلاك ربي يهديه
لانه كل واحد راهو شايد منصب حاسب روحو ملك البلاد والعباد يتحكم في مصير العباد