السلام عليكم ورحمة الله تعالى وبركاته
أختي الكريمة مشكلك يعاني منه الكثير
انا شخصيا عانية منه منذ السنة الثانية متوسط
وليت مانقراش مره وندي المعدلات 13 و 14
وجامي هبطت تحت 13 لكن الفصل الأول من هذا العام أديت معدل 11 لي اعتبرتوا صدمة كبيييييييرة واتبرت نفسي أحمق كبييييير
بصح ماخليتش الحزن يغمرني وليت فطنت واعتبرت هاذ الطيحة دافع باه نولي لمستواي
في العطلة تاع الفصل الأول ماخرجتش من الدار وأان غير نقرى ونحضر وقبل ماندير الدرس في القسم نحضرو في الدار و زيد نعاودو بعد ما نخلصوه في القسم ونحل عليه تمارين و مواضيع
وكي لحقت الاختبارات قتلت روحي واعتكفت في البيرو تاعي ومانضتش خلاص وقريت ومداير بين عينيا ندي 19 لي حرضت عليها العديد من الأعضاء في المنتدى
زكي لحقت النتائج فرحت فرحة جامي فرحتاه
الهدف لي حطيتو بين عينيا وشكت باه نتحصل عليه لكن ديت معدل 18.53 و تشوكيت في روحي و التلاميذ لي معايا تشوكاو فيا وقعدو حالين فامهم
السبب لي راح يخليك تولي لمستواك هو العزيمة والإصرار الضغينة على المعدل تاع الفصل هذا
ننصحك تسيري بهاذ المنهاج وتحطي معدل 19 بين عينيك و كي تجي النتائج رديلي لخبر وقوليلي قداه ديتي المعدل وراح نفرحلك بزاااااااااف بإذن الله
أتمنى ألا أكون قد أطلت عليك لكن بإذن الله ستعرفين من أنت
وفقك الله