[قطرة تفاؤل *أمينة*]

لا تحزني فلكل جواد كبوة و علامات السنة الثانية والله مش مهمة أبدا يكفي أنك تجيبي 10 المعدل باش تباصي للباك وما دام راكي فاهمة متخافي من والو الفهامة هي الصح والعلامات يجيو ويروحو ورانا كامل كيفكيف
وشحاال من واحد في الفصول تاع السنة الثالثة ثانوي يجيب المعدل 18 ومباعد مينجحش الباك
صدقيني هكذا أحسن وعيون الناس مترحمش والله
أنا حكايتي كيما حكايتك . العام الماضي برك جبت 17.80 المعدل أنا الأولى وأقرب وحدة لي جابت 16 بصح ضرك منيش نقرا بالعاني في الفصل الثاني جبت 13.75 بصح راني علابالي بمستواي وعلابالي بلي قادرة نجيب أكثر ولي كانوا وراي كامل جابوا أحسن مني بصح جاتني نوووووورمال
نصيحتي ليك: ثقي بنفسك ولا تقولي لا أعرف من أنا لأنه كلام خطير
ثقي بالله وديري في بالك بلي كي تحبي حاجة تجيبيها
وحاولي تتقربي لربي بقراءة القرآن والصلاة في وقتها وأدعي وأصبري
قال الله تعالى فى كتابه العزيز:
{إِن يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهُ وَتِلْكَ الأيَّامُ نُدَاوِلُهَا بَيْنَ النَّاسِ وَلِيَعْلَمَ اللّهُ الَّذِينَ آمَنُواْ وَيَتَّخِذَ مِنكُمْ شُهَدَاء وَاللّهُ لاَ يُحِبُّ الظَّالِمِينَ }آل عمران140