[بناتي هم حياتي]

المشاركة الأصلية كتبت بواسطة سعادتي في عبادتي

وعليكم السلام ورحمة الله وبركآته ’،

جابلي ربي فهمت علماش راكي تهدري علاخاطر انا تان نموت على هاذ الحلوى ، مي اسمها عندنا ماشي كيما عندكم حنايا نقولولها التونسية (بالاك ديالهم الله اعلم)


المهم نرورحو للمفيد هايليك الوصفة وياربي تكون هي الي راكي تحوسي عليها


المقادير:

2 بيضات
2 كيلات فرينة
1/2 كيلة سكر
1 كيس فاني
كيلة ونص ماء
عسل
جلجلان للتزيين
زيت للقلي

الكيلة المستعملة هي التبسي ديال الشوربة الصغير ولا كاس كبير شوية.

الطريقة:
خلطي البيض السكر لافاني و الماء ومبعداتيك الفرينة بشوية بشوية ثم سخني الزيت جيبي الطابع حطيه فـ الزيت الساخن لدقائق ثم غطسيه في الخليط ماتغطسيهش بزاف ومبعداتيك زيدي حطيه فـ الزيت الحلوى تحبط وحدها كي تتحمرو من الوجهين غطسيها في العسل و زينيهم بالجلجلان ’،

صحيتي حنونتي،هذه في روحها اللي نحوس عليها،مشكورة على الوصفة ،وعلى الصورة ثان،تشخيتها اكثر