[مبروكة الصحراء]

أختي الكريمة ما تقلقي روحك ما والو
نقولك حاجة كاين أساتذة ربحو في المسابقات نتاع التوظيف و بقاو يخدموا و نساو قاع المذكرة نتاعهم و علا هادي يقعدو 5 سنين 6 سنين و أكتر و يقولوا مازال ماكملنا بصح هما في الصح مابلهاوش باه يخدموها و يبقاو أساتذة مساعدين شحال من عام
بصح أنا نصيحتي ليك ما تخافي ما والوا من دروك تقدري تبداي المذكرة نتاعك شوي كوراج برك ، و بلاك تحبسي و لا تنسايها هدا ماكان و الخدمة كي يكتبها ربي تجي ، كل عام جربي حضك حتى تجيبيها انشاء الله و الظروف المادية قاع الجزائر تشكي منها نورمالموا كاين المنحة تعاونك شوي و لا خدمي ادماج حتى وين ربي يقرج
و الخدمة نتاع المذكرة]راكي خايفة منها بسطيها هي قاع واش: بحث في الانترنت، و شوي ديبلاسمو للمكتبات ، و دراسة الحالة كي تحديها و تكوني عارفتها بدايها من دروك،
و أنا تاني اختي راني سنة أولى دكتوراه و مازال ما كتبتش حرف فيها و ماعندي لا منحة لاخدمة و لا حتى ادماج راني مريحة في الدار و خلاص ، الحاجة الوحيدة لي راني نديرها راني نجوس على الملتقيات و نشارك فيهم، و نبحث في الأنترنت أي حاجة تخص مذكرتي نخبيها في الميكرو و خلاص و الخدمة ما نيش نخمم فيها دروك قاع العام الجاي و لا العام لي مروراه انشاء الله و على الأقل منا لهداك الوقت نكون خدمت في المذكرة نتاعي نسبة معتبرة
و حاجة أخيرة حبيت نقولهالك اختي أنا من جامعة تلمسان أي حاجة تخصك منها تتعلق بموضوعك نقدر نعاونك بيها قوليهالي، و حتى من بعد انشاء الله راني معولة نزور الجزائر العاصمة و وهران و بعض الولايات و لي تقدر عليها نجيبهالك معايا و نبعاتهالم ماكانش مشكل قوليلي التخصص نتاعك و المذكرة و انشاء الله ما يكون غي الخير
و لا تقنطوا من رحمة الله.