الله يسلم هذاك الفم
واش رايك فيا اشتغلت ادماج في مؤسسة اقتصادية ولما قبلوني على اساس منصب شاغر في قسم المستخدمين لكن بقدرة قادر تخيل المسؤول على قسم المستخدمين دار البوسيبل باش ما يحطونيش معاه لاني قارية عليه وخاف نولي مسؤولة عليه ارموني في المحاسبة وتاع المحاسبة واش نقلك وين يشوف الي معايا يعلموني يشنف ويعيط وزيد من باعد اصبح منصب مراقب التسيير شاغر لانو الموظف الي كان فيه طلع المدير ولما شاف الملف تاعي قالي تسبحي في قسم مراقبة التسيير فرحت قلت هذا اختصاصي قالولي واصلي في المحاسبة باش تعرفي التفاصيل وعندك الحق تدخلي اي قسم باش تعرفي سير العمل ومن باعد تقدري تخدمي خدمة مراقب التسيير زدت فرحت وقلت ماعليش خير من ما كانش لكن الغيارين والحسادين والي ماهمش قاريين كانو يبربشو ورانا كالسوسا احنا الي عندنا شهادات ومن باعد سي المدير كي شافوني خفيفةوتعلمت بسرعة خاف على المكتب السابق تاعو وعلى اوراقو وحطني في السيكريتاريا مع السيكريتيرة وهي زادت خافت اكثر على بلاستها وكان الي يجي ويطلب مني نصور ورقة وال يصقصيني تنوض قيرة كبيرة وتقلو انا السكريتيرة معمرتش عينيك وبقاو يحرثو من ورانا وما يحبوش يخدمونا ويحسدو فينا على الراتب تاع الدولة و.......... تخيل البوانتاج هوما الي يديروه ويكتبولنا الغيا ب والروتار يلموه باش ينقصولنا لكن الحمد لله تاع التشغيل ما كانوش ينقصولنا
شكون الي يثقدر يخدم في جو كيف هذا كرهوني في الخدمة اصلا
بالرغم من هذه المؤسسة فاتحة منازل كثيرة وكانت من اكبر الشركات لكن السرارقة ضيعوها واصبحت مفلسة وكانت فرصة الادماج فرصة كبيرة ليها تدخل ناس يخدمو بدون ما تخسر عليهم بصح ما استغلوش الفرصة
ونهار الي خرجت تهنيت وما زدتش رجعت
وراني صابرة