السلام عليكم ورحمة الله ...
السؤال المطروح هو هل تقبل الفتاة برجل يكون مستواه التعليمي اقل منها ووو... وتدخلت البنات وكل تدلي بدلوها ...
يا اخوتي هنا نتخيلوا برك .... البنت درست اقتصاد ... الراجل رايح يناقش معاها الازمة المالية ؟؟ هذه المعيشة اللي تحوس عليها لبنات ؟؟ نهدروا معاهم في اللي يحوسوا عليها ؟ يا سيدي انا قريت فلاحة ... نهدرلها من الصباح لليل على الفلاحة ...؟ هانقول الامور راها باينة جاية تتزوج وتدير دار ولا جاية تزوخ عليا ...
واقول لهن انتن ترون العنوسة تنهشكن فلا تتأخرن في الزواج لأنكن تعلمن أكثر منا أن للمرأة ساعة بيولوجية . والجامعية باقيلها على الاكثر 8 سنوات جمال ورشاقة هذا اذا ما عاودتش اوو حرقت روحها مع رفقاء السوء و ...و .... لكن الرجل ...( الغير مثقف ) يستطيع ان يتزوج حتى لو بلغ من الكبر عتيا ... ونقلكم هذا اللي دايراتو البنات حجرة في الصباط للرجالة يضاف الى المهر وشروط المكرهين و...
صراحة انا راني نخمم نجيبها ما شافتش المدرسة ولا مستوى تاسعة (( رابعة متوسط )) بالكثير.. . اوو ما خممتش خلاص نهدر معاها على الجامعة وقرايتي فيها على خاطر مانيش حاب نهدم بيتي .... والجامعية نقلها استناي يجيك وزير ...
و الجامعيات رانا نشوفو فيهم وعارفينهم مليح مليح يهدروا على الغرام والحب وكأن الدنيا فقط هكذا وانا لا ألومهن لأنهن ضحايا امهاتهن وآبائهن وايضا ((( ياللمصيبة الكبرى ))) ضحايا الافلام المدبلجة ..
ونقلكم نقدر نجيب اي وحدة بالمال ورانا شفنا ... اميرة ويلز (( ديانا )) كيفاه جابها واحد عربي (( الفايد )) وقد كانت زوجة الامير تشارلز ولي عهد بريطانيا وانجبت له ايضا ولي العهد من بعده... و سلام.