لوكان تشوفو واحد الخطرة في الشهر الاول اللي تزوجت فيه جا سيدنا رمضان ونضت كي المرة الفحلة طيبت لفطور نصبت درت الفريك و االمثوم و الحلو و الشلاطة و المطلوع و راني نشم في رائحة غريبة هي صحيح ريحة المرقة الحمرا بصح ابدا ماهيش ريحة الفريك جاتني ريحة صامطة مالقيت واش ندير سكتت وخليت كلش يطيب و كي بقى نصف ساعة على الادان طفيت النار ويييييييييا الحبيبة حليت الكوكوطة لقيت روحي نسيت مارميتش الفريك في المرقة علابالكم وليت نجري و نشوف معا الوقت نحيت اللحم و رميت الفريك ماعندي مانقلكم و لمزية جيت عروسة جديدة و زوجي حشم و ماقال والو وفطرنا واحد العشرين دقيقة بعد الادان و لوكان كيما درك راني شوية قدمت لوكان ماخلالي مابقالي وطبيعة زوجي ثقيل بصح في رمضان مايعرف حتى واحد