[بنت من مصر]

ردا على الموضوع الأصلى بقى

وليييييييييييييييييييييييد

المتشائمين بيشجعوا ، وأنا معاهم فى كل حاجه إلا دى ، " أظن فاهمنى "

فكرتنى بواحد ابن حلال كان هينقطنى من كتر الإحباط

ويقول لى مش هتنفع المظاهرات ، ومبارك ممكن ينزل الجيش يقتل الناس ، الجيش بيسلم عليك وبيقول لك إنه مضربش ولا رصاصة فشنك واحدة

وهو فى السعودية وأنا فى مصر ، وفى عز الأزمة وأعمال العنف والتخريب
والبلطجية بتتنطط على البيوت ، وأهو سمع بنفسه وقتها كنا عاملين إزاى ، نزلت على أول شارعنا دبابه فيها جيش للحماية يا باشا

، وكمان روحت الميدان واتصورت له جنب دبابه من دول ، وبعتت له الصوره يشوفها

يافندم الجيش المصرى مش هيضرب اخواته المصريين
صعب يكون الجيش عملاء زى الغبى وحكومته الأغبياء ، وحتى لو صدرت لهم الأوامر بضرب النار

لو انت فى الجيش يا وليد هتنفذ الأمر ؟؟؟

خلانى اترعب يوم الجيش ما نزل ، وأهى جت سليمه الحمد لله
عموما الحمد لله جت سليمة " وما النصر إلا من عند الله "
والحمد لله على نعمته ، أهم حاجه اننا نفكر فى الوقت اللى جاى

عارف أنا خايفة من إيه يا وليد ؟مش خايفة من الحكومة الجاية قد ما أنا خايفة من الشعب نسه
دلوقتى ثورات فى كل مكان واحتجاجات على مستويات المعيشة والمرتبات والأعمال وما إلى ذلك

بس بخاف من جيل الكبار ، اللى بيقول نصف العمى ولا العمى كله
وقلتها فى مؤتمر المستشفى بالأمس

الشباب ثارو ونصرهم الله عز وجل لإنهم أصرو على مطالبهم بعناد الشباب ، ولكن جيل الكبار كان يقول
نصف العمى ولا العمى كله

كل خوفى من هذه المقوله ، ناس ترضى بأنصاف الحلول ولا تكمل حتى النهاية

نسأل الله أن يولى من يصلح

وتقبل مرورى الساخر كالعادة ، ولا تقول لى فضايح الله يرضى عليك ، انا بتكلم ببراءة زى ما انت عارف