سيقول هناك تغيير في الحكومة وصح يغير ولكن تبقى نفس الاسماء بتغيير اسم الوزارة فقط لي كان وزير الصحة يولي وزير الرياضة .....
رفع حالة الطوارئ في الصيف - منا للصيف يرحمها ربي برحمتو-
التشغيل وهدا اصعب شيء ولكن كاين حل عقود ما قبل التشغيل والشبكة وتلقى المهندس يخدم في البلدية والطبيب ممرض و........ويسلك 11 دورو يحشم حتى لا يسلكهم قدام الناس ولوكان جا كل واحد في التخصص تاعو نقولو خبرة يكتسبها ولو اني نلوم حتى الجامعيين لي قبلو يخدموها بلا اعتراض واللي في الشبكة نظف الطريق ابني وريب في الطرق فوت الغاز اعدل الطريق زيد فوت الماء اعدل الطريق زيد بدل لانستالاسيون نتاع الماء اعدل الطريق زيد اغرس الشجر وزين الرصيف وحط الاشارات واللافتات اعدل الطريق وهكدا حتى نهار يفرج ربي والسلاك اك تعرف حق الخبز
رفع الاجور يقابلهم رفع الاسعار وعيش يا الجزائري
الفساد سوف اقضي عليه واحاسب المسؤولين
ينتهي الخطاب تحيا الجزائر المجد والخلود لشهدائنا الابرار واليتيمة تبته لمدة شهرين والجزائري او عايش وخلاص يستمتع بالامان ويموت بالجوع والغش والانتحار وحوادت الطرقات ولي يبقى من الشعب راهو في الحبس من انتشار الجريمة وانعدام الاخلاق.