[تواضعي يانفس]

السلام عليكم
اجابتكم لهده الاسئلة تهمني كتيرا
السؤال الاول :
** ما هو هدفك من اعادة شهادة الباكالوريا؟
دراسة لغة من اللغات
السؤال التاني:
** ما هو مستواك الدراسي الحالي ؟
عندي شهادة جامعية
السؤال التالت :
**ما هو الجدول الدي سطرته لشهادة البكالوريا؟
لم اسطر بعد ...حتى نسجل ...ربما ساركز على مادة او اثنين طول العام ولما يقرب الباك نشوف كيفاش ندير للمواد الاخرى
السؤال الرابع :
**** هل تريد ان تعيد الباكالوريا من تلقاء نفسك او مضطرا او مرغما ؟
طبعا أظن ما كانش واحد في الدنيا ينصحك باعادة الباك.غير لي يقولك سيبا لابان
السؤال الخامس :
** ادا كنت تحب شعبة ما ولم تستطع الظفر بيها وسجلت في شعبة اخرى , ما دا كنت لتعمل ؟
والله اخي اذا كان عنك هذف ما تتخلاش عليه .والارادة تصنع المعجزات.اخدم وتوكل على ربي
السؤال السادس :
**ما هي احتمالات نجاخك في الباكالوريا ؟
والله انا وظروفي ...وانا والفلسفة.والضامن ربي سبحانه...لا ماربحتش ما عندي ما نخسر....تغيض برك 5000دج بصح مخلوفة .قادرة تروح في صباط.تشري صباط يعجبك ودور فيه.
السؤال السابع :
**مادا تنصحني ادا كنت اريد ان اجتاز الباكالوريا وانا في شعبة جيدة ولكنها ليست حلمي او الشعبة التي احب و ادا كنت متلا جد خائف ان اخفق هل هدا دافع جيد لا جتاز البكالوريا علما ان معدل البكالوريا الاول لي هو 14.33 ؟
علاه جد خائف .ديت خير وبراكة .ماديتش راك كيما تقول في شعبة مليحة .وشكون لي كيفك ؟الله يبارك.
السؤال التامن :
** ما هي النصائح والارشادات الضرورية التي يجب ان يتقيد بها كل من قرر اعادة الباكالوريا ؟
نضم وقتك واستثمروا ولازم تحط مخطط يومي.وما تحكيش بزاف للغاشي بلي راح تعاود الباك على خاطر يقوللك راك ماتقدرش.واش دير بيه ....وتلقى غير لي يزيد عليك...هذي نصيحتي اليك
السؤال التاسع :
** كيف اوفق بين دراستي في الجامعة و اجتيازي لشهادة الباكالوريا ؟
اتبع المثل القائل :دورو في يدي خير من مليون في الهوى.ركز في دراستك خصوصا في الاشهر الاولى .وكي تبدى تقرى تبانلك كيفاش تنظم وقتك.
السؤال العاشر :
** ادا فهمت المغزى الدي اريده ارجوا ان تدلو بكامتك و تاكد انها سوف تنقص علي و على من هم بمتل حالي ؟

أخي ماكش راح دير حاجة حرام.ما تترددش بزاف .
لكن انصحك بالاستخارة .صلي صلاة الاستخارة وتوكل على الله. كملك ربي وسجلت كان ذلك هو الخير ...ماسجلتش كان ايضا خيرا لك.


عفوا على الرد بالعامية .اصبحت اجد صعوبة في صياغة افكاري بالفصحى .اتمنى فقط ان يكون المساج تاعي وصل على اكمل وجه.
في الاخير مبروك عليك الباك الاول ولعقوبة للتاني

ادعيولي بالنجاح ايضا وبالتسجيل في قسم من اقسام اللغات.


العلم بالبعض خير من الجهل بالكل
*********************/ [رايكم يهمنا فلا تبخلوا علينا بارائكم °] \**********************