[مصريه جدا]

المشاركة الأصلية كتبت بواسطة أحمـــ الجمل ـــد

يا سارة هونى على نفسك شوية
انا بحييكى على رقة مشاعرك
وعلى طيبة قلبك
لكن هلفت نظرك بس لشئ واحد يمكن يزبطلك مشاعرك شوية
هل كل علماء المسلمين فى كل مصر وفى كل العالم الإسلامى على باطل وانتى بس اللى على حق ؟
طبعا انتى عارفة كويس اوى علماء مصر والعالم الإسلامى قالوا ايه عن مبارك
ولم يتأسف عليه احد

رقة مشاعرى دى مش رقة مشاعر دا احساس بالذنب
عارف احنا فتحنا عيونا لاقينا مبارك لما قال خطاب تنحيه حاسيت انى قلبى بينسحب
فمبالك لما اشوفه وهوا مريض
اما بخصوص العلماء كانوا فين العلماء وهما شايفين الظلم بعنيهم
العلماء لازم يخرجوا يقللنا ان مبارك بشر
اخطا واتعاقب
دا الى المفروض يقلوه
هقلك ايه بس يااحمد يظهر فعلا انى بقيت صاحبة فكر بليد
على فكره انا بشكر جدا الى قالى كدا والى قال انى غبيه وجاهله كمان
والله صدقنى بشكرهم من كل قلبى
لانى يظهر انى بقيت كدا
بس مكنتش اتمنى ان مبارك يخرج بالشكل ده ولايتهان بالشكل ده
كان لازم يخرج بكرامته
بس هنقول ايه ربنا يشفيه ويسامحه ويهديه ويتولاه برحمته
ويتولانا احنا كمان
ربنا معايا انا بشكل خاص عشان اليومين دول هيبقوا صعبين عليا اوى
شكرا ياحمد على التوضيح