أنا أعلم أن الناس يزيدولك في التقلاق، كي يصيقصوك مازال ماتزوجتي ،قوليلهم مازال مالقيتش الزوج الصالح . الرجال كاينين
فكرتيني نهار جاو شافوني كان ذلك العام الماضي وكانت أول مرة في حياتي يجيو للدار لأن قبلها كانت عبارة عن كلام مثلا في الشارع يكون الرفض فورا لأنني أخاف من الناس اللي مانعرفهمش المهم ، كنت فرحانة ، قلت خلاص ، و يماه تشكر في وليدها و يخدم في اطار مليح و نسكن وحدي ، المهم أنا كان عندي الانسان هو الصح ، يكذب عليك كي يقلك الرجل يعيبوا غير دراهموا كيما كانت تقولي قريبتي ، والله غيرالانسان هو الصح ، كي يكون متفهم متخلق ، يخاف ربي ويحب دارهم. هذاك هو الصح.
المهم كي دخلت مع يماه ، الانسان ماشي هذاك هو اللي كنت متخيلاتوا على حساب يماه واش كانت تقول ، انسان لا يتفهم الظروف المهم اللي تخرج عليه ، ، نشفى جاو في ماي قالولي العرس قبل رمضان باه يديروا مع خوه ، ماسناوش مني نقول اذا قبلت أو لا بالسيد، والسيد بدا ماحبش يحبس ونورمال كاين اللي شهر .................................................. .................................................. ...............................................
قلتلوا لازم تقدروا الظروف كانت أختي مخطوبة أيضا يعني ما نقدرش نلحق، و أيضا أمي مريضة ، المهم كل هذا لا شيء .
مصر على قراروا، بالاك والف كل شيء كيما يحب ، المهم جاء أبي و أختي الكبرى الى نفس الغرفة و أنا أنظر فقط اليه كبف يتكلم و يتصرف، و قلت في نفسي ، هذا أول مرة أراه و أول مرة يتكلم مع أبي و يريد أن يمشي كلامه ، اذا بعد الزواج لن أرى عائلتي أبدا ، و أنا أمي مريضة لا تتحمل فراقنا طويلا، المهم ، بعد رحيلهم ، الحمد لله عندي أب نادرا في مثل زماننا هذا، أجبته أنني رافضة ، حتى وان بعد رمضان ، عندما أجابهم أبي عبر الهاتف بلا قال له أصبر بعد رمضان لاباس. حسباتلوا كيما يحبوا هم، واش تانك شوكاوني من النهار الأول قالتلي نديرلك كيما درت العرايس دياولي ، جات عندنا تخطب حنا اللي نشرطوا ماشي هي واش تقول ، رغم أننا نحن مانشرطوش ولكن الأصول، ولا كي شافوا ماما مريضة ، قالوا بالاك كلش ساهل.
أحسست براحة لا توصف يا أختاه كي ماقبلتش ، الحمد لله ، والله ماشي الصح في الزواج ، أنا عندما أسمع جارتنا تزوجت العام الفارط، لأنه عندوا الدراهم و المهم راجل ، والآن راهي في دارهم ، هذاك العرس و المصاريف و في الأخير يذلها و يقبلها الآن بشروطه.
نكذب عليك اذا نقولك مانتقلقش، وخاصة كي مارانيش نخدم، الواحد كي يخدم يعمر وقتوا ، أعرف أن الفراغ يقتل و أعرف ذلك الشعور عندما كل من في البيت يشتغلون الا أنت ، لأنني أعيش ذلك الشعور، و الروتين.
اذا أنت ستدخلين التلاتين فان جارتنا ستدخل الأربعين رغم أنها أصغرهم فما بالك بأختيها الكبيرتين.
المهم الحياة حلوة رغم كل شيء ، لأننا نعيشها، الزواج و الخدمة ماشي هما كلش ، كي تكوني مخلصة لله ، الدنيا و مافيها، و ماتنسايش الدعاء ، لأن ربي اللي يرزق ماشي عباده.و الدنيا ماشي غير زواج و خدمة أعمالك أيضا .
لازم أنت اللي تخرجي نفسك من هذه الحالة اللي حطيتي نفسك فيها. ليس العيب أن تشكي الى الله في الليل ليس لدينا سواه، ولكن المشكل هو أن تبكي في الليل من الغيرة لزواج أي فتاة. هذا هو المشكل بحذ ذاته ليس معناه أنك مريضة نفسية ولا توهمي نفسك بذلك ، حتى لاتصدقه نفسك وربما تدخلين في حالة نفسية أسوء بوهمك هذا ، تفائلي ، اكثري من قراءة القرآن .
و أعلمي أن حالتك عادية جدا ، وأن هناك من الفتياة من هن في مثل حالتك ، فلا تفقدي الأمل.
وابداي ذلك بتغيير اسمك من فاقدة للأمل ، الى الأمل بحذ ذاته، هناك أمور ايجابية في هذه الدنيا لا ترينها الكثيرون افتقدوها.
عيشي حياتك بكل تفائل ، أحبيها كما هي فحياتك أنت سبب وجودها .
أحبي الناس يحبونك ، أحسني اليهم ، كوني أحسن أخت، صديقة ، قريبة . ضعي بصمتك.
أتمنى لك كل الخير ، أعرف أنني أطلت كثيرا .شكرا علىطرحك لموضوعك لأنني من خلاله أخرجت قليلا من مكبوتاتي