1-قالك واحد الامرأة كان عندها زوج ولاد واحد يدير المشاكل كانت ديما تدعي عليه وتقولو الله يعطيك طيار يطيرك والثاني ناس ملاح كانت تقولو الله يحمر وجهك كي كبرو لي كانت تقولو الله يعطيك طيار يطيرك رجع يخدم طيار والثاني رجع يخدم في الكوشة على العام وجهه احمر
2-قالك واحد المرة زوج كانو يمشيو واحد دار والاخر كوزينة
3- قالك واحد راح عند الشوافة باش يشوف زهرو قالتلو اعطيني يدك شافت فيها وقالتلو عندك البقر و الماعز والمواشي قاليها شكرا قالتلو خلصني الدراهمطلع يدو و قال ليها هاكي بقرة
4-واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها : مالا حتى النهار الثالث
5- قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت