شوفو اليوم واش درت
جات صديقتي و هي تموووووووووت على tarte au citron تاع المورانغ
ماكاش عندي وقت باش نصورلكم الوصفة بالتفاصيل المملة سامحوني
الوصفة:
la pate brisé على طريقة الشيف الفرنسي Herve cuisine
300غ زبدة طرية (ماشي دايبة) + 125غ سكر قلاصي و تخلطي مليح + 60غ سكر عادي + 60 غ لوز محي fin (تقدري تستغناي عليه تعوضيه بالفرينة) + قرصة ملح و تخلطي مليييح
ضيفي 2 بيضات واحدة بواحدة و تخلطي ملييييييييح
+ 500غ فرينة أو أكثر نتي و يدك....
حتى تتحصلي على عجينة طرية
حطيها في المول تاع التارت و حطيها في لفريجيدار مدة 20دقيقة
وحطيها تطيب 30دقيقة 180درجة
في هاد الوقت حضري..
كريمة القارص:
عصير 4 حبات قارص( حبات فيها jus) +
1/2 كاس ماء+ 200غ سكر عادي + 4صفار بيض +
zeste +
+ 2 مغارف كبار نشاء
ادا تشكلولك les grumeau جوزيه في لميكسور أو في الصفاية تاع لحليب
خلطيهم مليح و حطيهم على نار هادية و حركي حتى تعقد
كي طيب فرغيها على التارتة الطايبة
.
.
طلّعي بياض البيض مع قرصة ملح و السكر
.
.
و حطيها على التارت و حمريها دقيقة
.
.
و تتحصلي على.
.
.
وهادي تارتولات صغيرة
تحيات الشيف سمسون 