صرخاتك هي صرخات العديد من الشباب وللأسف أنا حالتي مثل حالتك تقريبا 5 سنوات منذ أكملت دراستي ولم أحصل على مهنة حتى يومنا هذا. عند أبحث عن العمل في وكالة التشغيل و أجد الشباب ينتظرون مثلي، أقول في نفسي أنا لم أجد مهنة الا أنني فتاة فما بالك بالشباب، أنا أصل ساعات الى حذ التذمر و الغضب و الاستياء منهم . فما بالك بالشباب المسؤولين عن عائلات.
رغم أنه في الوقت الحالي الفتاة أيضا تحتاج الى المهنة ،كلش غالي الكهرباء ، الماء، التليفون......الماكلة، الدواء ، اللبسة .. ..... كلش غالي لو كان ماشي تليطون تع خواتاتي نعاونوا بابا راهي حصلة و هذه حكاية أخرى جاهدوا باه لقاو خدمة المهم الحمد لله ، العاقبة ليا انشاء الله وكل البطالين والبطالات حتى الفتيات راهم يعاونوا دارهم ويحتاجوا الخدمة.
أنا مثلا عملت راديوا حشمت نقول لأبي يمدلي ، مزية عندي خواتاتي يحسوا بيا ، كي نسحق يمدولي ، الأب يتعب عليك يربيك ويقريك يدير الواجب ديالوا، تلحق السن معين تحشم تقولوا ، المهم راني طولت عليكم آسفة شكيت شوية همي ، الله غالب مالقيتش وين نفرغ زعافي غير في المنتدى، و خصوصا كي راني غير في الدار الأصدقاء اللي تتزوج تنسى صحبتها، الحمد لله عندنا الأنترنت ، نفرغ شوية زعافي فيه هذه بالدرجة و بالعربية نتبادلوا فيه الأفكار .
عذرا هذه صرخة من صرخاتي