[مصريه جدا]

المشاركة الأصلية كتبت بواسطة بنت من مصر

وكمان ياست الحاجه تعالى هنا ، مش عارفه تغلبيه بالمنطق ؟ والله عيب بجد

لما يقول لك البنات هما اللى غلطانين ، والبنات هى اللى تستاهل

طيب البنت فرطت فى شرفها وانت عملت إيه ؟

وهو اللى يلاقى أمانه مرمية على الأرض وأخذها لنفسه أو لعب بيها ، زى اللى أدى الأمانة لأهلها ؟؟؟

وهل عند ربنا ، يستوى الراجل اللى تعرض على البنت نفسها فيتعفف ، مع المستهتر اللى يستجيب لأول إشارة اغواء ؟؟؟

سيدنا يوسف أغوته امرأة العزيز فاستعصم ، ياترى لو كان استسلم لها كان معفى من العقاب ؟

لو وقعت جريمة زنا ، ماذا يسمى طرفى العلاقة ؟ زانى وزانية
أم زانيه ، وواحد مش غلطان علشان هى اللى فرطت فى نفسها وهو اللى قاعد فى مكانه بيعرضو نفسهم عليه ؟

بلاش عقد ومركبات نقص ، كفايه اللى بنشوفه يابنتى
الواحد من دول فاكر نفسه نعمة ربنا اللى أنزلها على نساء العالمين وهو فى الآخر لو تسألى عنه فى سوق الرجال ممكن يساوى كرافته على أقصى تقدير

عجبنى جدا أحد التعليقات السابقة ، بيقول إنه مديون بدين كبير ولا تشاركيه السداد

يابنتى الحديث بيقول " من زنى زٌنى بأهل بيته ولو بجداره "
يعنى لو هو لعب ببنات الناس لازم حد هيلعب بأهل بيته ، إحمى نفسك وذريتك من دينه لإنه فعلا كبير
وقضايا الشرف دى بالذات غالبا ما بتخلص فى الدنيا ويقعد جنب بنته الكسيرة يبكى كل أعماله ، وهو كان معتقد إنه ناصح ومفتح والبنت مش هتعرف تلعب بديلها من وراه ، الستر من عند ربنا يابنتى
ربنا يسترنا دنيا وأخره


لو مش عندك إستمار 6 قوليلى وأنا أبعت لك نسخه وعلبة شيكولاته بمناسبة خلاصك منه
وإن شاء الله علبه كمان لما ربنا يكرمك بالتقى النظيف ابن الحلال اللى يستاهلك

والله يبنتى انا غلبت معاه فى الكلام قلتله اذا كانوا غلطوا فانت شريك فى الغلط مصمم على كلامه
ولما لاقيته مصمم قلتله انى مش مستعده اعرض ولادى لشئ زى الى انت عملته فى الماضى
ولاده مش محل تجارب ليك ولا لامثالك


تصورى قالى ايه
قالى انى معقده ومتخلفه ورجعيه

بس مزعلتش من دول احسن انا بعيد عنك سمعتهم كثير قبل كدا

يعنى من كثر ماسمعتهم مبقوش بيزعلونى

بس الى زعلتنى اوى الجديده باه انى امثالى انقرضوا من زمان
على اساس انى ديناصور يعنى
مشعارفه اقلك ايه غير انه رفعلى ضغطى
واقلك المصيبه بقى ان الناس الى كنا مفكرينهم اصدقاء كانوا عايزنى اوافق
ال ايه ياستى هيتغير بعد الولاد
يعنى ادخل مجازفه معاه ويقولوا احسن احنا خايفين عليك
عاييزن يرمونى فى النار تحت مسمى خوف عليا
ربنا يسامحهم لان للاسف اكتشفت انهم بيكرهونى اوى اوى اوى اوى

خلاص اديته استماره 6 بس صعبانه عليا امه بس مش بايدى

ربنا يهديه يارب
بس الى مزعلنى انه غلطان وبجح وشتمنى ههههههههههههههههههههههه
شفتى الخيبه

ربنا يهديه يارب
انا فى انتظار الشيكولاته بس انتى ركزى فى الدعاء عشان يبقوا علبتين تسلميلى ياقمر