[نينا الجزائرية]

مساء الخير عليكم انيساتي سيداتي
جبتلكم طبق مشهور جدا في بلادنا التبيخة او الطبيخة
نطيبوه بزاف في شتاء والربيع





المقادير
كيلو جلبانة
كيلو فول
كيلو قرنون
حبة بطاطا
حبة بصل
حفنة روز
قصبر
نعناع
زيت
ملح
فلفل اسود
فلفل عكري احمر
هريسة لمن يريدها حارة
الطريقة
في قدر نحطو الزيت وبعدها جلبانة الفول بقشورو مقطع وقرنون قطع ثم بصل مقطع نصيفو الملح التوابل بعدها فوقها الروز وحشاوش قصبر ونعناع مقطعين ونمرقها بالماء لكن مشي بزاف مشي نغرقها باش تتجمر الماكلة ملازمش تدي بزاف مرقة

وهاهي الكيفية سخونة طيبتها اليوم في الغداء