السلام عليكم شربة فريك مشهورة عندنا بكثرة و لان زوجي مغروم بها تقريبا يوميا نطيبها الى جانب الاطباق الاخرى اليكم المقادير لحم افضل لحم الغنم كرافس دبشة حمص منقوع بصل طماطم حب طماطم مصبرة فلفل حار نعناع مجفف نقلي اللحم مع البصل و الكرافس و الدبشة و حبة طماطم مقطعة و زيت و توابل و ملح نقليهم جيدا حتى يذبل البصل و هدا سر بنة الشربة تقريبا نقليها ساعة و كل مرة نضيفلها الماء بكميات قليلة و اكيد الماء يكون سخون [IMG][/IMG] ومن بعد نضيف الطماطم المصبرة و نزيد نقليها شوية ومن بعد نضيف الماء حسب الحاجة و نغطيها حتى تغلي و نضيفلها الفريك انا نحب نزيد نرحيه [IMG][/IMG] و نخليه يغلي حتى يطيب الفريك حوالي ساعة اخرىوماننساش نضيف الفلف حار و في الاخير كي نطفي النار نضيف النعناع اليابس و هددا هو الطبق [IMG][/IMG] و هذا اقرب باه تشمو الرائحة الزكية ههههههه [IMG][/IMG] انتظر أرائكم و انتقاداتكم و لي عندها طريقة اخرى تنورنااا