إليك عزيزتي طريقة تحضير المسمن البسكري المقادير: كيلو سميد متوسط كمية من الملح حسب الذوق الماء التحضير: حطي في القصعة تاع العود السميد و الملح و رشي بالماء حتى تصبح عجينة طرية خليها ترتاح مدة ساعة أو أكثر و ممبعد ادلكيها حتى ترطاب ورشي بالماء و ادلكي عديد من المرات حتى تطرى العجينة و ممبعد شكليها كويرات قد حبة البيض أو أقل و ممبعد حطي الزيت في إناء و أبداي قرصي بالوحدة و ديري فيها الزيت و زيدي كويرة أخرى فوقها و قرصيها رقيقة و طيبيها في تاجين الحديد ملاحظة: إذا حبيتي ديري مسمن كيما راكي تقولي ديري 3 أو 4 بيناتهم الزيت و قرصيها تجيك خشينة شوية و لوحيها في التاجين و رشيها بالزيت باه اطيب طرية. و إذا حبيتيه فطير على نار قليلة رقيها و لوحي بالورقة و رشيها بالزيت و أقلبيها و زيدي فوقها ورقة أخرى و ما تنسايش الزيت في كل ورقة و هكذا تكملي حتان يعولك 15 أو 20 ورقة فوق بعضاها. أتمنى لك النجاح كولي بالصحة و الهناء