[ل..ب..ن..ى]

ويا ماما !!!!
كنمت كاتبة ردّ فيه شرح قد راس خويا والبيسي بلوكالي كامل راحلي!!!!

واااااااااع

ماعليه نعاود مي باختصار خاطر والله غير عييت في الرد السابق اللي راح!!!



ماهو الهدف من :
ـ عرض خلايا الجسم لببتيدات الذات بواسطة hla i


راح نبدا بحاجة:
في الغدة التيموسية راح يكون انتاج للخلايا التائية
وكل خلية تائية عندها على سطحها مستقبل خاص

اقصد لكل خلية تائية معينة يوجد مستقبل خاص لببتيد معين
يعني هاد الخلية س مثلا تستقبل الببتيد س*
والخلية ع تستقبل الببتيد ع*

الخلية س لا تستقبل الببتيد ع*

فهمتوني؟؟؟؟

في الغدة التيموسية راح تصرا بزااف عمليات الهدف نتاعها هو:
السماح للخلايا التائية بالمرور الى الدم

بصّح ماشي كامل الخلايا التائية تروح للدم!!!

كاين ديوانا عند الباب تاع الغدة التيموسية
مايخلوش كامل الخلايا تفوت للدم
برك اللي عندهم التأشيرة

شكون اللي عندهم التأشيرة؟؟؟

هما الخلايا اللي عندهم :
*مستقبل ال cmh
*ومستقبل الببتيد

ولكن ليس أي ببتيد ....... ادا كان الببتيد خاص بالذات الديوانا مايخلوهش يفوت!!
علاه؟؟؟
لأنّه سيدمّر خلايا الذات الحاملة لببتيد الذات

وهنا تكمن الاجابة على السؤال أعلاه.....

الخلايا التائية اللي ماعندهاش مستقبل تاع ال cmh1
ماتفوتش للدم ...واش تقعد تدير في الغدة التيموسية؟؟؟ تكره!! أيا تروح تنتحر
مانيش نقولها بالمجاز تروح تنتحر لأنها حقا تروح تنتحر

كاين خلايا أخرى تروح تنتحر معاها
شكون هي؟؟؟؟

هي الخلايا التائية اللي عندها مستقبل ال cmh1 بصح عندها مستقبل لببتيد الذات
تنتحر هي تاني


شكون الخلايا اللي ماتنتحرش ويخلوها الديوانا تروح للدم؟؟؟

هي الخلايا التائية اللي عندها:
مستقبل ال cmh1
ومستقبل ببتيد ماشي ببتيد الذات
يعني ببتيد دخيل .... من اللاذات

يسمح لها بالمرور لأنها موجهة لتدمير كل خلية عارضة للا ذات

فهمتوني؟؟؟؟