يا حساره عليك يا الزويتة....... عليك حكاية وحكايات
سامنيا واقعدي معيا .......... واحكيهملي بثبات
علاش هكذا حاقدة وسمية........تظلي تبدلي في سومات
تجوعي فيا غير بشويا.......كرهت حياتك باركات
نهار كانت الدنيا دنيا ........كنتي مرمية في فالديبوات
واليوم دارت الدنيا ............. وصرات عليك مظاهرات
والزوالي بعثتيلو برية............انسي المقروط ومقليات
او ربراب يبروفتي فيا...........الشهرية خلاصت وقظاة
قصة مزالها طويلة.............حتى السكر عندو حكايات
الله يسترنا وعافينا...........هذي البلاد رهي خلات